Како резултат на претераното играње видеоигри, употребата на мобилни телефони и компјутери се појавија нови, до скоро непознати болести – текститис, селфи лакт и писателски врат. Се стравува дека токму овие болести ќе го одбележат 21 век. Можете да се смеете колку што сакате, но факт е дека луѓето се мошне активни на социјалните мрежи, особено на Инстаграм, постојано го држат телефонот во рака барајќи агол за фотографирање.
Мери Ен Вилмарт, физиотерапевт, изјавила за Вашингтон пост дека селфи лактот е речиси исто заболување како и тенискиот лакт.
„Луѓето кои ги користат друштвените мрежи вршат константен притисок на лактот со виткање и грчење на раката во одредена положба. Нашето тело не е навикнато на нови технологии и положби со кои порано немало контакт“, објаснува Ен Вилмарт.
Единствена разлика меѓу тенискиот лакт и селфито е што првото заболување е последица на интензивно вежбање, а другото на незгодна положба на раката.
Физиотерапевтите ширум светот се почесто се среќаваат со пациенти кои имаат проблем со вратот заради константното пишување пораки и виткање на главата, трпнење на рацете, особено дланките, и болка во зглобовите, исто така, заради пораките, а бројот на проблеми кои ги произвела дигиталната технологија е голем.
Советот на Мери Ен Вилмарт е кога ќе се почувствуваат болки и проблеми да се одморите малку од селфи или да набавите селфи стапче.
