Истражувањето опфатило 7.600 француски работници кои одговарале на прашалници за работното опкружување и можностите за спиење.
Околу 11% жени и 9% мажи информирале дека на работно место биле злоставувани, навредувани и заплашувани најмалку еднаш во неделата, во период од најмалку шест месеци.
Колку нивото на малтретирање на работното место било поголемо, толку проблемите со сонот биле поверојатни. Истражувачите ги земале предвид и остантите фактори кои може да влијаат на спиењето, како што се возраста, професијата, работното време и симптомите на депресија.
Мажите кои биле жртви на мобинг имале зголемен ризик за проблеми со спиењето за 60% , а кај жените тој процент изнесувал 20. Проблеми со сонот немале само оние кои биле злоставувани, туку и колеги кои сведочеле за мобинг.
Насилството на работното место може да биде еден од главните тригери за сериозни проблеми, како што се самоубиство и некои здравствени тегоби, додаваат стручњаците.
Несоницата предизвикана од проблеми со работата и стресот ја карактеризираат анксиозност, загриженост, депресија, напнатост на мускулите и главоболка. Обично исчезнува за три месеци, но ако лицето постојано се наоѓа во негативно опкружување, може да трае и подолго.
