Модриот патлиџан се смета за здрава храна со ниска калорична вредност, богат е со влакна и антиоксиданти и е од корист за здравјето на целиот организам.
Помага во губење на вишокот килограми
Модриот патлиџан содржи висока содржина на вода и спаѓа во ниско калорична храна. Овие карактеристики го прават идеална храна за луѓето кои сакаат да ја намалат телесната тежина. Неговата сунѓереста текстура овозможува да го подготвите на различни начини, без да го исушите.
Одличен е за здравјето на срцето
Исклучително е поволен за здравјето на срцето. Со негово консумирање може да се намали нивото на лошиот холестерол во крвта, да се подобри здравјето на артериите и да се опуштат напнатите крвни садови.
Му помага на здравјето на мозокот
Голем дел од фитонутриентите во модриот патлиџан му помагаат на здравјето на мозокот штитејќи го од слободните радикали и други влијанија. Патлиџанот содржи и комплекс Б-витамини, кои ја ублажуваат физичката и менталната анксиозност. Затоа е добро модриот патлиџан да се јаде во што поприродна форма, со минимална термичка обработка.
Има малку калории
Ако внимавате на калориите, може безгрижно да консумирате модар патлиџан. Една шолја модар патлиџан содржи само 35 калории, што е многу ниско во однос на неговата хранлива вредност.
Богат извор на калиум
Калиумот е од суштинско значење за одржување на здрав крвен притисок и помага да се спречат заболувања на непцата. Тој е клучна компонента во борбата против воспаление на непцата и артериите.
Има висока содржина на GABA – аминокиселини
GABA (гама-аминобутерна киселина) е аминокиселина, која ја намалува анксиозноста и го подобрува спиењето.
Спречува развој на рак
Некои истражувања покажале дека сокот од модри патлиџани може да го намали ризикот од појава на рак. Имено, модриот патлиџан содржи трипсин за кој се верува дека помага во неутрализација на клетките што предизвикуваат рак.
Им помага на луѓето со дијабетес тип 2
Модриот патлиџан содржи голема количина на влакна, кои ги намалуваат нивото на глукоза во крвта, што е погодно за здравјето на дијабетичарите.
Помага при запек
Овој зеленчук е идеален против запек поради големата количина на влакна. Влакната од зеленчукот ги чистат цревата од отрови и поттикнуваат редовна столица.
