Понекогаш “нормалните“ симптоми, како главоболка, се сигнали дека нешто со здравјето не е во ред и дека е потребна лекарска помош.
СИМПТОМ: ТЕМНО ВИОЛЕТОВО-СИНА МОДРИЦА
Можна причина: Додека повеќето модрици се краткотрајна појава, понекогаш може да откриваат сериозна здравствена состојба, какоо крвни згрутчувања, болест на црниот дроб или недостаток на еритроцити. Ако забележите модрици кои се појавиле од никаде и им е потребно подолго време да исчезнат, побарајте лекарски совет.
СИМПТОМ: ГЛАВОБОЛКА
Можна причина: Иако се работи за вообичаен симптом кој не е причина за паника, ако таа се јави ненадејно и е многу силна, може да е во прашање нешто посериозно… За повозрасните лица, ако се јави силна болка на подрачјето на слепоочницата, а видот стане заматен, може да се работи за васкулитис, воспаление ан крвните садови кое може да доведе до слепило.
СИМПТОМ: ВИСОКА ТЕМПЕРАТУРА
Можна причина: За децата и младите, температурата повисока од 39,5 степени, често е симптом на вирусно заболување. Ако детето е безволно и не се однесува како вообичаено, може да е во прашање воспаление на белите дробови или на уринарниот тракт. Истото се однесува и на возрасните. Важно е навреме да се обратите кај матичниот лекар.
СИМПТОМ: БОЛКА ВО АБДОМЕНОТ
Можна причина: Иако се работи за чест симптом, понекогаш силната болка која се шири и во грбот е сигнал дека е во прашање анеуризма на стомачната аорта, која е почеста кај пушачите. Со оглед дека се работи за исклучително сериозна состојба, важно е веднаш да се отиде на лекар.
СИМПТОМ: СЛАБОСТ ВО РАЦЕТЕ И ВО НОЗЕТЕ ,ТРНЕЊЕ
Можна причина: Ако низ рацете ви минуваат трнки, чувствувате слабост во телото, може да се работи за симптом на анксиозност, но ако болката е само на едната страна од телото, може да станува збор за симптом на срцев инфаркт.
СИМПТОМ: ВКОЧАНЕТ ВРАТ
Можна причина: Лоша положба при спиење може да биде причина за болка во вратот, но ако болката се појави проследена со главоболка, температура и општа збунетост, може да се работи за менингитис – воспаление на мозокот и мембраната на ‘рбетниот мозок. Симптомите се јавуваат брзо, а ако не се лекува, болеста може да доведе до отекување на мозокот, кома, па дуири и смрт.
