Црешата, нејзиниот плод и цветови се богат извор на витамини и минерали, антиоксиданти, растителни пигменти и останати вредни нутритивни елементи неопходни за здравјето и убавината. Според јапонските научници, консумирањето цреши има влијание против страеењето, бидејќи влијае на колагенот кој е важен протеин на кожата. Поради антоцијанинот што го содржат делуваат противвоспалително, а калиумот, магнезиумот и стеролите во нив го намалуваат лошиот холестерол и крвниот притисок, а помагаат за намалување на стресот.
Според истражување спроведено на Универзитетот за здравје и наука во Орегон – САД, утврдено е дека спортистите кои пиеле сок од цреши пред натпревар имале значајно помали болки во мускулите од соиграчите кои не го консумирале. Според нивните тврдења, 20 цреши се еквивалентни на една таблета ацетилсалицилна киселина.
Ова е стар рецепт на некогашните билкари за одржување на здрава и блескава кожа на лицето. Витаминот А и колагенот од црешите ја ревитализираат оштетената кожа и ги чистат порите.
Се што вие потребно е една шака зрели цреши на кои ќе им ги извадите семките и ќе ги испасирате. Смесата ставете ја на лице во тенок слој и прекријте со газа. Оставете да делува 15 минути, а потоа лицето измијте го со млака вода.
