Мононуклеозата е вирусна инфекција која предизвикува зголемена телесна температура, воспалние на грото, главоболка, зголемување на лимфните жлезди, замор, болки во мускулите и исцрпеност. Инфективната мононуклеоза често се нарекува и болест на бакнеж и е честа кај адолесцентите и младите од 15 до 25 години. Мононуклеозата најчесто поминува без компликации, не е опасна, но е исцрпувачка и има ефект како грипот. Иако повеќето од знаците на болеста исчезнуваат за неколку недели, може да поминат и месеци додека организмот целосно не се опорави. Во поголемиот број од случаите не е потребно друго лекување освен одмор. Затоа во првата фаза на болеста најважно е мирувањето и избегнување на каков било напор.
Epstain-Barr вирусот (ЕБВ) причинител на мононуклеозата, најчесто се шири од лице до лице преку плунка. Вирусот на монуклеозата во првите 18 месеци од инфекцијата се излачува преку плунка, а во организмот останува доживотно. Најчест облик на пренесување е преку бакнување, но и допирање на делови на теото и предмети натопени со заразната плунка, како што е пиење од туѓа чаша. Поголемиот број лица со овој вирус се заразуваат уште во детството. Додека многу луѓе се изложени на Epsetain-Barr вирусот во својот живот, мал број од нив развиваат симптоми на инфективна мононуклеоза. Дури 50 % од децата имале прва инфекција со овој вирус до својата петта година. Кај повеќето, инфекцијата е речиси без симптоми.
Кај младите и возрасните лица, монуклеозата може да поприми потежок облик со изразени симптоми, зависно од тоа кога ќе се открие и колку организмот е ослабен. Ширењето на вирусот е посилно кај болните со ослабен имунитет.
Инкубацијата, времето кое поминува од контакт со вирусот до појава на симптоми на болеста, трае од две до шест недели. Симптомите се слични на грип или болки во грлото. Прво се јавува малаксалост, губење на апетитот и болки во мускулите.
- Воспалението на грлото е интензивно во првите 5-7 дена, а во наредните 7-10 дена се намалува.
- Зголемената температура обично трае 7-14 дена, но понекогаш може да трае и подолго.
- Лимфните јазли се смалувааат во тек на 3 недели. Заморот е најтврдокорниот симптом.
Против вирусот причинител за мононуклеоза нема лек. Антибиотиците не делуваат бидејќи мононулеозата не е бактериска инфекција. Најважно е мирувањето и одморот. Секоја поголема физичка активност треба да се избегнува чест до осум недели по оздравувањето.
