Морето не е само обична вода, туку богатство на микроорганизми и елементи кои се клучни за здравјето.
Морето и човечкото тело се поклопуваат во повеќе од 80 природни елементи, вклучувајќи ги и натриумот, магнезиумот, калиумот, калциумот, силициумот и бројните витамини. Морето е по состав многу слично на крвната плазма и нашето тело има моќ да ги апсорбира хранливите материи од него. Затоа ако имате шанса, задолжително минете го летниот одмор на море.
Самиот престој покрај море делува благотворно врз општата состојба на организмот, бидејќи крајбрежниот воздух е богат со негативни јони кои не полнат со енергија, ги ублажуваат депресивните состојби, го подобруваат расположението и го зајакнуваат имунолошкиот систем. И додека градовите и затворените простори се сиромашни со негативни јони, приморските места и природни пространства изоболуваат со нив.
Морето го зајакнува имунитетот
Нашето тело преку кожата ги апсорбира хранливите материи кои се наоѓаат во морето. Морската вода ја поттикнува работата на тироидната жлезда и го зајакнува нашиот имунитет.
Природен облик на масажа и антицелулитен третман
Додека пливаме или одиме низ морето, водата го масира телото и ги растоварува коските. Пливањето е најдобра форма на рекреација, бидејќи не го оптоварува ’рбетот. Напротив, делува благотворно на него. Морето поради својот состав го стимулира телото да се ослободи од вишокот вода и на тој начин ги ублажува проблемите со артритис и ревматизам. Пружа антицелулитен третман – природна лимфна дренажа и како што споменавме, го поттикнува отстранувањето на вишокот вода од телото.
Го подобрува психолошкото здравје
Негативните јони со кои е заситен морскиот воздух, добро делуваат врз психата. Ги нарекуваме уште и витамини од воздухот, а во овој случај се природни антидепресиви. Покрај негативните јони, тука е и витамин Д, кој се апсорбира преку сончањето. Добро е познато дека тој, освен што ги зајакнува коските, добро делува и на расположението.
Ја ублажува астмата, алергиите и ги чисти дишните патишта
Морската сол е природен антисептик и антихистаминик. Воздухот покрај морето е заситен со веќе споменатите негативни јони кои го олеснуваат дишењето.
Морето лекува проблеми со кожата
Капењето во морето го ублажува дерматитисот, егземата, псоријазата и ја чисти кожата.
