Морската сол е богата со калциум, магнезиум, јод и железо. Обичната кујнска сол, која е чист натриум хлорид, ја извлекува водата од клетките, ги успорува животните функции, доведувајќи до дехидратација, со што кожата станува сува, млитава и стара. Морската сол не ја суши кожата и има позитивен ефект на епидермисот, и што е најважно – се бори против целулитот. Таа е вистински еликсир за кожата. Освен минерали и микроелементи, во траги содржи и аминокиселини и витамини. Силно влијае на размената на материите во кожата и поткожното ткиво, ги поттикнува метаболизмот и излачувањето на штетните состојки.
Солените купки и масажата на проблематичните делови на телото, ја затегаат кожата, и и даваат цврстина и мазен изглед.
Многу е едноставно да се направи солена купка. Пред се, температурата во водата не смее да биде повисока од 37 степени, потоа, се користи 300гр морска сол и процедурата на смее да биде подолга од 10 до 15 минути. Со редовни солени купки, еднаш до два пати во неделата, на кожата и се обезбедува пријатен, корисен одмор и тонизирање. Купката ја поттикнува циркулацијата на крвта и лимфата. Најефикасна е во вечерните часови за да се намали и дневниот стрес.
Ако немате време за купка, може во домашни услови да примените масажа со морска сол. Поребна ви е една шолја морска сол, две лажички ароматично масло од лаванда, праска или рузмарин и две лажички маслиново масло. Сите состојки се мешаат додека не се добие хомогена смеса. Оставете да отстои 20 минути, повторно промешајте и масирајте се почнувајќи од прстите на нозете, па нагоре.
