Навршувањето 40 години често означува и пресвртница во животот, повеќето од нив треба да се слават, но често се појавува и еден проблем – страв од стареење и се што тоа носи.
Грижата за здравјто во тие моменти може да ви стане важна тема и веројатно се прашувате како да останете здрави до крајот на животот. Добрата вест е дека можете да влијаете на сè – важно е да преземете грижа за здравјето и да инвестирате во него за да спречите развој на некои сериозни состојби кои можат да се закануваат.
Ова се прегледи кои би требало да ги направите откако ќе наполните 40 години, за долго да уживате во здравјето.
- МАМОГРАФИЈА
Секоја жена која наполнила 40 години треба да го направи овој преглед кој може да открие промени кои може да значат развој на рак на дојка. Сепак, жените со историја на болеста во нивното семејство треба да се подложат на преглед 10 години порано од препорачаното. Исто така, доколку има генски мутации кои го зголемуваат ризикот од развој на рак на дојка, потребно е навреме да се разговара со лекар за преглед за да може болеста да се открие во рана фаза кога е излечива.
- ТЕСТИРАЊЕ ЗА ДИЈАБЕТЕС
Во моментов, само во Америка живеат околу 37 милиони луѓе со дијабетес, а според Центарот за контрола и превенција на болести, секое петто лице со дијабетес не е ни свесно за тоа. Експертите советуваат дека сите постари од 35 години треба да направат тест за дијабетес, кој ќе ја открие каква е состојбата и шеќерот во крвта. Сепак, ако веќе имате 40 години и не сте ја провериле вашата состојба, време е да го направите тоа.
- ПРОВЕРКА НА КРВНИОТ ПРИТИСОК
Голем е бројот на луѓе кои имаат проблеми со крвниот притисок без воопшто да се свесни за тоа, но ако се знае дека токму оваа состојба е ризик фактор за развој на срцеви заболувања, па дури и инфаркт, јасно е дека е важно често да се проверува оваа состојба.
Иако сите прегледи можете да ги направите кај лекар, преку тестови на крвта, тоа може да не го правите доволно често доколку ги прескокнувате превентивните прегледи. Американската здравствена асоцијација советува дека сите постари од 18 години треба да го проверуваат крвниот притисок на секои неколку години, но бидејќи ризикот од развој на хипертензија се зголемува откако ќе наполните 40 години, овој преглед треба да го правите секоја година.
- ПРОВЕРКА НА ХОЛЕСТЕРОЛОТ
Холестеролот е исклучително опасен за здравјето на срцето, па ако е зголемен може да предизвика кардиоваскуларни заболувања. Но, бидејќи не постојат симптоми кои се поврзуваат со покачен холестерол, дека имате проблем можете да сфатите само кога ќе се развијат проблеми. Затоа е исклучително важно редовно да го проверувате холестеролот. Иако ЦДЦ советува дека и децата и младите треба да го проверат холестеролот, многумина нема да се тестираат до подоцна во животот.
Ако имате над 40 години и не сте свесни за нивото на холестерол во крвта, сега е вистинско време да се проверите и да разговарате со вашиот лекар за тоа. Здравите возрасни треба да го проверуваат нивото на холестерол на секои четири до шест години, но ако имате проблеми со срцето или дијабетес, разговарајте со вашиот лекар за тоа колку често треба да го проверувате нивото на холестерол.
- КОЛОНОСКОПИЈА
Тоа е важна алатка со која во рана фаза може да се открие рак на дебелото црево или какви било промени кои можат да доведат до оваа болест. Колоноскопијата се препорачува за сите постари од 45 години, но ако во вашето семејство се појавил рак, тестот мора да го направите 10 години порано.
За некои дополнителни прегледите кои треба да ги направите, разговарајте со вашиот лекар.
