Крвни згрутчувања може да се појават кај било кого и ако не се разградат во телото, може да бидат опасни по живот. Затоа е исклучително важно да се забележат најраните знаци кои телото ви ги испраќа за да можете навреме да реагирате, предупредуваат експертите.
“Крвните згрутчувања може да бидат тивки убијци, а се манифестираат на многу начини и често доведуваат до сериозни компликации. Пушењето, високиот крвен притисок и одредени лекови како што е естрогенот го зголемуваат ризикот од создавање на крвни згрутчувања. Препознавањето на симптомите може буквално да ви го спаси животот“, објаснува медицинскиот техничар Шон Маркезе.
“Крвните згрутчувања најчесто се наоѓаат во нозете и го блокираат доводот на кислород во околното ткиво. Меѓутоа, површнските или крвните згрутчувања во дел од телото без зафатено ткиво понекогаш може да останат незабележани, а згрутчувањата што не покажуваат симптоми се особено опасни бидејќи, ако не се лекуваат, може да доведат до сериозни компликации во белите дробови или мозокот“, додава тој.
КРАТОК ЗДИВ ИЛИ ВРТОГЛАВИЦА
Иако овој симптом често е показател за голем број здравствени проблеми, тој е и знак дека можеби имате згрутчување на крвта.
“Веројатно ќе го игнорирате заморот, потењето, отежнато дишење/краткиот здив или вртоглавица по умерена или интензивна активност. Сепак, ако тие зачестено се појавуваат, особено додека одморате или извршувате некоја лесна активност која не бара толку многу напор, овие симптоми не смеете а ги игнорирате. Крвното згрутчување во белите дробови се нарекува белодробна емболија и го спречува кислородот да влезе во крвта, а оваа состојба може да биде фатална доколку не се лекува брзо“, предупредува Маркезе.
ОТЕКУВАЊЕ, БОЛКА, ПРОМЕНА НА БОЈАТА НА КОЖАТА ИЛИ ЦРВЕНИЛО НА ЕКСТРЕМИТЕТИТЕ
“Доколку не сте сигурни во знаците на крвно згрутчување, отечената или променета боја на кожа на екстремитетите погрешно да го препишете на неодамнешна повреда или да занемарите блага промена во бојата или температурата. Меѓутоа, ова може да бидат знаци на длабока венска тромбоза или згрутчување на крвта што се формирало длабоко под кожата и ја блокира крвта да стигне до здравото ткиво. Ако почувствувате еднострана остра болка, црвенило, оток или топла кожа во одредено подрачје, побарајте лекарска помош што е можно поскоро. Длабоката венска тромбоза може да доведе до белодробна емболија или посериозни проблеми, вклучително и гангрена“, објаснува Маркезе.
СЛАБОСТ, МАЧНИНА, ПРОБЛЕМИ СО ВИДОТ ИЛИ ГОВОРОТ
Истражувањата покажале дека некои други знаци на крвно згрутчување се слабост, мачнина и проблеми со видот или говорот.
“Крвното згрутчување може да остане заробено во крвните садови во мозокот кои се стеснати поради масни наслаги. Може да настанат и поради траума на главата или удари кои предизвикуваат потрес на мозокот. Со оглед на тоа дека крвните згрутчувања спречуваат оксигенираната крв да стигне до делови од мозокот, може да се чувствувате вртоглавица и збунетост или да имате проблеми со видот и говорот. Згрутчувањето на крвта во мозокот може да предизвика широк спектар на невролошки проблеми, од општа слабост до мозочни удари. Ако чувствувате нешто необично, побарајте лекарска помош што е можно поскоро“, советува Маркезе.
