Тоа е нешто во кое веруваат многу луѓе, вели студијата објавена во списанието Memory and Cognition. Во истражувањето учесниците потврдиле дека чувствуваат последици по дружењето со лица кои страдаат од анксиозност. Научниците веднаш одговориле – НЕ, не можеме едноставно да се заразиме со сериозни ментални болести.
Но, работите може да се искомплицираат, оти е вистина дека често собираме емоции и навики од лицата со кои поминуваме време. Значи, ако најдобриот пријател ни страда од анксиозност и константно е во стрес, можно е и ние да почнеме да ги чувствуваме истите емоции. Ако член од семејството пати од депресија, лицата може да почувствуваат промени во расположението откако ќе го посетат.
“Емоциите се ‘заразни’ оти сме социјални суштества кои одговаарт на околината. Емотивната зараза е изразување на исти емоции како оние околу нас, оти нивните чувства поттикнуваат во нас верување дека мораме да имаме слични емотивни реакции“, вели психологот Џуди Хо.
Но, клучно е да се нагласи, дека тоа не значи оти на тој начин можеме да развиеме ментална болест.
“Менталните болести се предизвикани од низа генетски фактори и причинители од околината. Можно е да се наследат, но и да се појават поради трауми и други ситуации“, објаснува Хо.
