Многу родители не сакаат ни да се обидат на детето да му дадат кикиритки поради големата количина на алергени кои се наоѓаат во оваа намирница. Дали е можно да се превенира една од најраспространетите алергии?
Новите насоки на Американскиот институт за алергии и инфективни болести говорат дека токму избегнувањето на кикиритки или други производи од кикиритки може да доведе до развој на алергија.
Алергијата на кикиритки во последните години речиси поприми размери на епидемија.
Интересно е дека од година во година се зголемува бројот на алергични лица. Алергијата на кикиритки е една од најчестите и најраспространети алергии. Токму алергиите се водечка причина за анафилакса, опасна по живот реакција која го стопира дишењето и доведува до нагло паѓање на крвниот притисок. Поради големата опасност што ја носи, стручњаците се обидуваат да изнајдат решение со кое евентуално би се превенирала алергијата од кикиритки.
Во таа насока, дефинирани се три групи на деца: со висок, со умерен и со низок ризик за развој на ваква алергија и наин како да се справи со ризикот според групата во која се наоѓа детето.
Висок ризик
Децата кои се смета дека имаат висок ризик за развој на алергија на кикиритки препорачливо е да се запознаат со храна што ја содржи оваа намирница, но претходно со консултација на лекар, во периодот од четвртиот до шестиот месец од животот. Ако детето е чувствително на кикиритки, тоа нужно не значи дека е и алергично. Доколку таквото дете добие мали промени на кожата по консумирањето на храна со трага на кикиритки, тогаш треба да се посети стручно лице, по што родителите треба да одлучат дали целосно ќе избегнуваат кикиритки или не.
Умерен ризик
Децата кои имаат умерени промени на кожата не требаат никакви дополнителни проверки, советуваат лекарите. Овие деца може да консумираат храна со кикиритки или чиста намирница помеѓу шестиот месец и првата година од животот.
Колку децата порано се запознаат со кикиритките, поголема е можноста за намалување на развојот на алергија. АКо детето спаѓа во групата со среден или низок ризик, може да развие отпорност на алергенот на кикиритки, советуваат стручњаците.
