Граѓаните преку медиумите се информираат за сите новини, мерки, превенција и лекување на новиот коронавирус. Од совети на лекари, стручни анализи до детални упатства за заштита на здравјето… На адресата на Министерството за здравство секојдневно пристигнуваат најразлични прашање поврзани во КОВИД-19, но еве кои се најчесто поставуваните.
ПРАШАЊЕ: Колку кревети како капацитет имаме на располагање за сместување на пациенти инфицирани со новиот коронавирус и како ќе обезбедиме медицински кадар за да ги опслужува, колку го имаме како бројка и како е организиран?
ОДГОВОР: Во државата има околу 120 респиратори, најголемиот број – близу 90 се во Скопје. Целиот здравствен персонал во сите јавно-здравствени установи и приватни болници е мобилизиран и ставен на располагање оперативниот план за делување доколку е потребно да работат во здравствена установа каде што ќе биде потребно, како и приватните болници коишто целосните капацитети ги ставија на располагање, вклучително и близу 70 интензивни легла, со респираторни машини за оваа патологија. Во моментов на располагање има 185 легла. Клиниката за инфективни болести и фебрилни состојби во Скопје располага со 110 легла. На инфективното одделение во Штип, Гостивар и во Велес располага со 75 легла. Со овие капацитети, Клиниката и засега предвидените простории обезбедуваат добра здравствена заштита и нега. По потреба планирано е и зголемување на капацитетите според однапред подготвени параметри.
Во функција на пациенти со коронавирус е ставена и Градската општа болница „8 Септември“. Со ова, практично сите пациенти од државата во моментот кога ќе бидат дијагностицирани или пак ќе бидат сомнителни дека имаат коронавирус, а потребна им е некаква друга форма на хируршка или друг тип на интервенција – директно да бидат препратени во болницата „8 Септември“, со цел да не одат по другите јавно-здравствени институции.
Здравствениот систем треба да е подготвен да го апсорбира овој удар, за што сме подготвени со капацитети, опрема, кадар, што е подготвен да ротира по потреба. Сите 200 анестезиолози, 400 медицински сестри, дополнително на оној кадар со кој сега располагаме, согласно намалувањето на нивните редовни програми, сега се подготвени да се вклучат во третманот на ова заболување.
ПРАШАЊЕ: Постои и недостиг на маски за заштита, има ли начин да се купат или изворите кои се достапни се ограничени?
ОДГОВОР: Министерството за здравство е задолжено да ги покрие медицинските екипи од Институтот за Јавно Здравје и Центарот за Јавно Здравје, карантинската зона во Дебар и Клиниката за инфективни болести и фебрилни состојби. Во однос на тоа Владата апелираше сите останати институции да си набавуваат во рамки на своите буџети.
ПРАШАЊЕ: Светската здравствена организација препорачува што повеќе луѓе да се тестираат. Како да се спроведе оваа препорака кога тестовите се органичени?
ОДГОВОР: Нема ограничени тестови, располагаме и сме во можност да добиеме онолку колку што ни се потребни.
ПРАШАЊЕ: Како се прави скринингот во Дебар со какви испитувања?
ОДГОВОР: Со земање на материјали согласно воспоставениот протокол за епидемиолошко следење на контакти.
ПРАШАЊЕ: Колку има во земјава тестови за детекција на КОВИД-19?
OДГОВОР: Има доволен број на тестови, околку 1500. Има најава за донација на 1000 и уште 1000 јавна набавка.
ПРАШАЊЕ: Постои ли конкретно некој тест со кој граѓаните можат сами да се тестираат од дома и да утврдат дали се заразени од вирусот?
ОДГОВОР: Не постои таков тест. Постои на пазарот и се повеќе се присутни т.н. брзи тестови кои што се серолошки, кои што ги анализираат антителата, меѓутоа има податоци и студии и анализи коишто укажуваат на тоа дека тие не се со висок степен на точност. Нема потреба некој да се самотестира и да се брза до алтернативни начини на тестирање. Доволно е да граѓаните се самосвесни, да пријават дека постои здравствена потребам а епидемиолозите нека кажат дали треба или не треба да се прави тестот согласно податоците, истоирјата на болеста, состојбата итн.
ПРАШАЊЕ: Новозаболените давале одговор на епдидемиолозите дека не контактирале со заболен и биле го домашна изолација. Дали добивате сознанија дека не е така како што кажуваат?
ОДГОВОР: Епидемиолошките анкети се прават прилично детално и се добиваат исцрни податоци. Постојат многу случаи во кои лицата не се придржуваа до мерките, но тоа е најсторого санкционирано. Целта е да се стигне до првичните контакти бидејќи тие се најризичните , кој што може во највисок процент да се заразени и да ја шират заразата. Сакаме да почнеме дополнително тестирање, да се прошири на делот асимтоматските пациенти кои што се во најризичните групи.
ПРАШАЊЕ: Дали ново заболените од Дебар се поврзани со останатите претходно или од негде допатувале?
ОДГОВОР: Сите луѓе во Дебар кој што досега се дијагностицирани се поврзани со групата од 10-11 луѓе иницијално заболени, и после иницијално заболените 9 кој што дојдоа.Станува збор за очигледно интензивна комуникација, контакти на луѓето .
ПРАШАЊЕ: Лицата со мултипла склероза коишто примаат терапија којашто го намалува имунитетот, стравуваат дека доколку бидат во контакт со заболено лице полесно можат да бидат заразени од коронавирусот, што со оваа група на пациенти?
ОДГОВОР: Во листата на дијагнози јасно стои дека секој којшто има имунокомпромитирачка состојба, а ова е таква состојба е ослободен од работа. Има луѓе коишто многу добро функционираат и без таа терапија, а имаат таква дијагноза.
