На плажа, на прошетка или на вечера на отворена тераса, коронавирусот за многумина како да не постои.
Стручњаците велат дека е пожелно да се биде на отворено, но кога гледате како сите се опуштени, се прашувате дали навистина и е безбедно да се биде на отворено?
Факт е дека ризикот е многу помал на отворено. Ветерот ги растерува микробите во воздухот многу брзо, што значи дека е помалку веројатно дека ќе видшите голема количина на вирусни четсички на отворено. А, за да “фатите“ КОВИД-19 потребно е некое време да сте изложени на вирусот. Со други зборови, веројатно нема да се разболите ако вдишите само една единствена залутана вирусна честичка за време на прошетка на отворено или ако седите во кафуле.
Но, можете да се заразите ако другарувате подолг период или ако сите вклучени не носат маски. Или ако во ваша близина е високо нивото на вирусот, веројатно едно или повеќе лица околу вас не знаат дека имаат вирус.
Посебно внимателни мора да бидат оние кои можат сериозно да се разболат, па дури и ако се среќаваат со други лица на отворено. Лицата со просечен ризик може средбите на отворено да ги направат безбедни на начин да одржуваат физичко растојание (од еден до два метри) од сите останати, да носат маска и редовно да ги мијат рацете за време на собирањето.
Дружењето со мал круг на семејството и пријатели на отворено може да ја задоволи потребата за дружење. Само внимавајте да немате премногу социјални контакти, па дури и на отворено – во спротивно би можеле да се заразите со коронавирус.
Што досега сигурно се знае за болеста КОВИД-19?
Познато е дека КОВИД-19 се пренесува по капков пат. Тоа значи дека инфекцијата примарно се пренесува од лице на лице преку мали капки од носот или од устата кои се исфрлаат која заболеното лице кашла, кива или зборува. Тие капки се релативно тешки, не се пренесуваат на голема оддалеченост и релативно брзо паѓаат на предмети и на површини во близина на заболениот. Друго лице се заразува кога ќе ги вдише таквите контаминирани капки. Тоа е причината зошто се препорачува физичко растојание од најмалку еден метар. Кога капките ќе паднат на предмети и површини, тие стануваат контминирани и друго лице допирајќи ги, а потоа допирајчи ги устата, носот или очите може да се зарази. Тоа е причината зошто е важно редовно да се мијат рацете со сапун и вода или да се чистат со средство за дезинфекција на база на алкохол.
Лицата заразени со вирусот SARS-CoV-2 најзаразни се на почетокот на болеста, но може да бидат заразни еден-два дена пред појавата на симптоми, што е слично на заразноста кај грипот. Повеќето лица во близок контакт со заболено лице се заразуваат во првите пет дена од појавата на симптоми кај тоа заболено лице.
Пренос на инфекцијата може да се случи и од лица кои немаат симптоми на болеста, од т.н. асимптоматски случаи, но потребни се дополнителни истражувања за да се утврди размерот на таквите пренесувања.
