Нова студија покажала дека мигрените во средната животна возраст поврзани со зголемени шанси за развој на Паркинсонова болест или некое друго пореметување на движењето. Исто така, истражувањето покажало дека врската помеѓу мигрената и Паркинсоновата болест е посилна кај жените кај кои на главоболката и претходи аура. Аура е знак на предупредување за напад на мигрена, а може да се манифестира како пречки во видот, дамка во видното поле која се зголемува, заматен вид, или дури и целосно слепило на едното око, но може да се јават и светликави точки или цик-цак линии
Инаку, мигрената се јавува три пати почесто кај жените, отколку кај мажите.
Паркинсоновата болест е неизлечива невролошка болест која ја карактеризира тремор, вкочанетост, забавено движење, ослабена рамнотежа и координација.
Резултатите покажале дека лицата кои имале мигрена со аура во средниот животен период се изложени на два пати поголем ризик од развој на Паркинсонова болест подоцна во животот, во споредба со оние лица кои немале главоболки.
Истовремено се покажало дека лицата со мигрена со аура имаат 3,6 пати поголема веројатност дека ќе имаат 4 од 6 симптоми на Паркинсонова болест, додека кај лицата со мигрена без аура таа веројатност изнесувала 2,3 пати.
Претходни студии откриле дека мигрената, особено онаа со аура, е поврзана со кардиоваскуларни болести и мозочен удар.
