На сите ни е веќе добро познато на кој начин може да се забрза метаболизмот: со внес на повеќе протеини, здрави масти, помал внес на шеќери, но и со спроведување на повеќе активности.
Една работа околу која стручњаците не можат никако да се сложат е ефектот на водата за пиење на брзината на нашиот метаболизам.
Интернистот, д-р Алберт Ан вели дека технички, водата може да го забрза метаболизмот кај човекот.
“Кога пиете ледено студена вода, телото, доведувајќи да од ледено ладна температура до онаа телесната, троши енергија. Меѓутоа, количината на калории што во тој момент се троши е занемарлива. Тоа би дали резултат кога би пиеле четири до пет шолји ледено ладна вода секој ден, до крајот на животот“, објаснува д-р Ан.
Слично мислење, дели и ендокринологот д-р Росио Салас-Волен.
“Ладната вода може да го забрза метаболизмот, иако истражувањата покажале дека тоа забрзување е самоо привремено. Но, без разлика на тоа дали сакате, или не сакате да го забрзате, водата не може да му штети на вашето тело. Токму водата е таа која бубрезите и мускулите ги прави среќни“, објаснува д-р Салас-Волен.
Стручњаците повторно нагласуваат дека дневно треба да се консумира од еден и половина, до два литри вода, односно до три литри ако сме физички поактивни.
