Секако, стресот нема секому да му предизвика и дигестивни проблеми, но зошто кај некои токму тоа се случува? Еве што велат гастроентеролозите.
ЗОШТО СТРЕСОТ ПОНЕКОГАШ ПРЕДИЗВИКУВА ПРОЛИВ?
“Постои голем нервен систем во дигестивниот систем, а понекогаш цревата се нарекуваат и мал мозок“, појаснува д-р Керолин Њубери, гастроентеролог.
Целиот невролошки систем е задолжен и за контрола на дигестијата, а студии покажале дека мозокот и цревата се во постојана комуникација, што значи дека расположението може да влијае на варењето на храната, но и дигестијата може да влијае на расположението.
КОЈ ЌЕ ГО ПОЧУВСТВУВА СВОЕТО РАСПОЛОЖЕНИЕ И НА ЦРЕВАТА?
Ако речиси секогаш морате во тоалет кога сте под стрес, можеби мислите дека некоја болест на црвата, но тоа не секогаш мора да биде вистина. Понекогаш без било каква дијагноза може да имате проблем со варењето, истакнува д-р Лиса Ганју, гастроентеролог. Сепак е добро да се провери кај лекар за што би можело да се работи, за веднаш да се започне со лекување ако станува збор за медицинска состојба.
Промените во работата на цревата може да се случат поради промени во исхраната, инфекции или некои болести. Синдромот на иритабилно црево се уште не е целосно разјаснет, но стручњаците сметаат дека може да има врска со чувствителен нервен систем. Но, д-р Ганју истакнува дека постојат одредени тестови со кои може да се провери дали се работи за ИБС, состојба кога се јавуваат проблеми со движење на цревата, но болката поминуба кода ќе извршите нужда. Синдромот на иритабилно црево е едно од најчестите нарушувања на дигестивниот систем кој се карактеризира со хронични болки во стомакот, промена на ритамот на празнење на цревата и изгледот на столицата, а околу 2-2,5 пати е почест кај жените во однос на мажите. Но, причината поради која жените покажуваат поголема ранливост за ова нарушување главно е непозната.
МОЖЕ ЛИ ДА СЕ ПРЕВЕНИРА ПРОЛИВ ПОВРЗАН СО СТРЕСОТ?
За жал, единствениот одговор овде би бил дека треба да избегнувате стрес, што знаеме дека не е така едноставно да се направи. Но, ако препознаете дека стресот е тригер кај вас, можете да работите на механизми за одбрана од стрес, да внимавате добро да спиете и вежбате. Што и да е, внимавајте да не се изложувате на стресни ситуации и научете да ги контролирате вашата реакција на стресот. Доколку поради стресот и пиете алкохол или јадете нездрава храна, форма на превенција може да биде да внимавате на овие навики. Фокусирајте се на внесот на влакна, банани, јаболка и така да направите многу за себе.
КОГА Е ВРЕМЕ ЗА ПОСЕТА НА ЛЕКАР?
Секогаш кога ќе забележите дека доаѓа до големи промени во дигестијата, време е да посетите лекар.
“Секој сомнеж мора да се провери кај лекар за да се исклучи болест“, додава д-р Ганју. Веројатно нема да се разболите поради дијареа предизвикана од стрес, но ако тоа се случува често, треба да разговарате со лекар. Доколку проливот е проследен со намалување килограми, крв во столицата или силна болка, задолжително веднаш посетете лекар. Но, треба да знаете дека во повеќето случаи, дијареата предизвикана од стрес нема да предизвика дополнителни компликации.
