Доколку сакате да го намалите внесот на шеќер, а не знаете како, почнете веднаш со одвикнување следејќи ги советите во продолжение.
ВОЗДРЖЕТЕ СЕ
Шеќерот создава зависност – колку повеќе го консумирате, толку повеќе го сакате. За само еден месец апстиненција од благи работи, вашата желба за шеќер драстично ќе се намали.
ОТСТРАНЕТЕ ГО ШЕЌЕРОТ ОД ДОМОТ
Далеку од очи, далеку од срце – тоа е точно. Исчистете ги елементите во кујната и работната површина, отстранете ги сите садови за шеќер од дома за да одбегнете будење на желбата за благо.
КАЖЕТЕ ИМ НА БЛИСКИТЕ НИЗ ШТО ПОМИНУВАТЕ
Ако им кажете на колегите, пријателите и семејството дека сте решиле да живеете без шеќер, има малку шанси да ви шетаат пред очи со колачи, а тоа значи дека полесно ќе стигнете до зацртаната цел.
ЧИТАЈТЕ ГИ ДЕКЛАРАЦИИТЕ НА ПРОИЗВОДИТЕ
Многумина не сфаќаат дека шеќерот ја „прогонува“ нашата исхрана. Се наоѓа во околу 75 проценти од прехранбените производи, а називите на декларациите честопати ги збунуваат потрошувачите. Ако на прехранбениот производ пишува дека е здрав, тоа не е доволна гаранција, задолжително прочитајте колку шеќер има во производот.
МАЛА СЛАТКА НАГРАДА
Притоа не мислиме на бонбони посеани со шеќер, но затоа може да ставите во блендер боровинки, малку јогурт и малку мед и да се засладите.
ГОТВЕТЕ САМИ
Ова е најлесен начин да го контролирате внесот на шеќер, затоа што на тој начин ќе им кажете вистинско збогум на шеќерот, адитивите, вештачките бои и хемикалиите!
ЈАДЕТЕ ПРОТЕИНИ
Од нив долго време ќе бидете сити и ќе ја намалите желбата за слатко. Можете да ги најдете во месото, рибата, грашокот, авокадото …
ВНЕСУВАЈТЕ ХРОМ
Хром е суштински минерал потребен за нормална работа на метаболизмот, а некои научни трудови докажуваат дека ја намалува желбата за внесување на шеќер. Хромот може да се најде во сок од портокал, домати, грашок или компири.
„НЕ ЈАДАМ ВЕЌЕ ШЕЌЕР“
Секој пат кога ќе си кажете дека повеќе не јадете шеќер, создавате нова „патека“ во мозокот која брзо ќе се развие во навика. Секој пат кога ќе го отфрлите шеќерот, помислете дека работите на вежби за сила!
РАЗГАЛЕТЕ СЕ, НО НЕ СО БЛАГО
Не користете шеќер за да се разгалите. Наместо тоа, уживајте во релаксирачка купка, масажа или смејте се во друштво на пријателите.
