Можеби многу брзо би можело да се добие универзална вакцина против коронавирус, која би не штитела од сите идни варијанти. Имено, научниците од Универзитетот Дјук ги проучувале наодите со податоци собрани од испитаници кои во 2003 година биле заразени со САРС – тежок акутен респираторен синдром предизвикан од друг тип на коронавирус. Проучувале и десетина антитела против вирусот SARS-CoV-2 и се покажало дека овие лица произведуваат антитела кои се исклучително ефикасни против сите КОВИД-19 варијанти, како против верзии на коронавирусот кои засега се присутни само кај животните.
Антитела од лабораторија
Антителата се одбранбен механизам на човековото тело против непознати материи како што се бактерии и вируси во крвта. Еднаш создадени, антителата се врзуваат на туѓите материи (антигени), а процесот на врзување покренува имунолошки одговор на телото ии ги мобилизира сите останати клетки во борба против напаѓачкиот антиген.
Научниците исто така можат да создаваат антитела во лабораторија. Веќе се направени три моноклонални терапии на база на антитела, кои се осмислени така да ја блокираат “приврзаноста“ на SARS-CoV-2 кон човековите клетки.
Моментално се достапни на основа на одобрување за итна употреба во САД, а една е достапна и во Велика Британија.
