Во ретки случаи случаи, кога би се случило жена која пие апчиња за контрацепција да забремени, досега секогаш се сметало дека таа е самата виновна на некој начин – прескокнала ден или во потполност не се држела до распоредот. Имено, таблетите за контрацепција гарантираат 99 процентна заштита од бременост, меѓутоа ова важи само во ситуациите ако таблетите се пијат секој ден во истото време.
Ако ги пиете секој ден, но во различно време – процентот на сигурност за заштита од бременост веќе паѓа на 91. Затоа кога во гинеколошка ординација би се појавила трудница која тврди дека пиела таблети за контрацепција, би било логично да се претпостави дека станува збор за нејзиното – без разлика колку мало – отстапување од распоредот. Сепак, неодамнешните истражувања откриле дека постои уште една можна причина.
Таблетите за контрацепција се таблети за хормонална терапија, која спречува да се забремени. Неодамна спроведеното истражување утврдило дека можната причина е генот CYP3A7*1C, кој инаку постои само кај фетусот, како и дека се „исклучува“ пред раѓањето. Сепак, кај мал процент жени тој ген преживува до одредена возраст, создавајќи ензим CYP3A7, кој е задолжен за „кинењето“ на хормоните.
Како резултат на ова тие жени се „отпорни“ на влијание на таблетите за контрацепција. За среќа, генот е видлив на генетско скенирање, па во иднина ќе биде возможно да се предупредат жените кои го имаат да се потпрат на некој друг облик на контрацепција ако сакаат да спречат непланирана бременост.
