Нашите животи во последните две години, откога почна пандемијата со ковид енормно се променети и додека животот полека се враќа во нормала, пандемијата се уште не е готова. Луѓето и понатаму се заразуваат со вирусот и се зголемува бројот на заразни во бројни подрачја.
А, кои се симптомите на новите варијанти на коронавирусот?
Д-р Бајо Кари-Винчел вели: “BA.4 и BA.5 се две нови варијанти кои предизвикуваат зголемување на бројот на новозаразени. Овие подваријанти се загрижувачки поради нивната способност брзо да ја шират заразата и да заразат луѓе кои претходно прележале КОВИД-19.
Колку вакцината е ефикасна против новите варијанти?
“Вакцината штити од КОВИД-19 на начин да ве чува од потешки форми на болеста и хоспитализација. Моментлано, истражувањата покажуваат дека вакцините се помалку ефикасни против новите варијатни“, нагласува д-р Кари-Винчел.
Зошто луѓето и понатаму треба да се вакцинираат, ако оригиналната варијанта веќе не е доминантна?
“Често ја слушаме фразата дека не постојат гаранции во животот. Тоа се однесува и на КОВИД-19. Иако оригиналниот сој не е доминантен, тоа не значи дека не може да го добите. Ако сте вакцинирани и бустирани, тоа ви нуди најдобра шанса да не искусите сериозна посериозна форма на болеста, хоспитализација или смрт“, истакнува докторката.
Кои се знаците дека сте заразни со нова варијанта на вирусот?
“Не постојат сигурни знаци дека сте заразени со новата варијанта на вирусот. Ако имате симптоми на КОВИД-19, како кашлица, болки во телото, замор, притисок на синусите, како и губење на мирис и вкус, јавете се кај вашиот матичен лекар“, објаснува д-р Кари-Винчел.
Како да останете заштитени?
Следете ги здравствените совети и помогнете да се стави крај на пандемијата. Вакцинирајте се или примете бустер доза што е можно поскоро. Ако живеете во подрачје со мала покриеност со вакцинација, носете маска N95, не патувајте, одржувајте физичко растојание, избегнувајте големи собири, мијте ги рацете и заштитете го вашиот живот и животите на останатите.
