Во овој текст ви донесуваме прегледна листа на сите симптоми кои би можеле да упатуваат на некоја сериозна здравствена состојба и кои предупредуваат дека е време за преглед кај лекар.
Фактот дека некој симптом кој се јавува на едната страна од телото може да упатува на проблеми на другиот дел е секогаш збунувачки. Иато така симптомите кои можат да бидат безначајни сами по себе, можат всушност да откријат сериозна состојба и големи здравствени проблеми. На вас е да го слушате сопственото тело, добро да го запознаете за да сите промени ги забележите на време, а ако ги забележите, задолжително да се јавите на лекар.
СИМПТОМИ КОИ МОЖАТ ДА БИДАТ ЗНАК ЗА БОЛЕСТИ
Симптомите на срцев удар (инфаркт) вклучуваат болка, притисок и стегање во средината на градниот кош што трае подолго од неколку минути: болка или непријатност во други делови на телото може да се појават како отежнато дишење, ладна пот, мачнина.
Симптомите на мозочен удар вклучуваат „паѓање“ на еден дел од лицето, слабост во рацете, проблеми со говорот, вртоглавица, губење на стабилноста и вкочанетост. Губење на видот и главоболка се исто така некои од симптомите.
Проблеми на репродуктивниот систем што може да укажуваат на болест се крварење во средината на циклусот, чешање, пецкање, иритација, болка и непријатност за време на сексот, карлична или абдоминална болка, невообичаен исцедок, надуеност, постојана потреба за мокрење.
Симптомите кои откриваат проблеми со градите може да вклучуваат исцедок од дојката, чувствителност и болка во градата, јазли или задебелување на градата или во подрачјето околу дојката.
Симптомите на белодробни заболувања секако вклучуваат кашлица, но особено онаа каде што се јавува и крв, краток здив, тешкотии при дишењето, постојан бронхитис или повторливи воспаленија на белите дробови.
Симптоми на проблеми со дигестијата или желудникот вклучуваат ректално крварење, крв во столицата или многу темна столица. Тука се и промени во варењето, како што се неможност за извршување нужда, дијареа, гастритис, повраќање на крв.
Дека дошло до развој на бубрежна болест, може да откријат проблеми со мокрењето, болка при мокрење или постојан нагон за мокрење, крв во урината, па дури и мокрење во кревет во текот на ноќта.
Симптомите на болести на кожата може да вклучуваат промени како што се нови бенки, чести осипи или црвенило на лицето и вратот, жолтица, модринки што не исчезнуваат или црвенило на кожата со сребрени дамки.
Проблемите со зглобовите и мускулите може да се откријат ако болката во нив не поминува, на пример имате постојано чувство на пецкање, вкочанетост, воспаление или црвенило околу зглобовите.
Симптомите на емоционални проблеми вклучуваат анксиозност, депресија, замор, напнатост, кошмари, незаинтересираност за секојдневните активности, самоубиствени мисли, халуцинации и лажни мисли.
Опасни главоболки можат да бидат оние кои се појавуваат одеднаш, мислите дека е најлошата главоболка што сте ја имале, но и оние што се јавуваат со гадење, вртоглавица и повраќање.
Проблемите со телесната тежина, оние што можат да откријат дека имате проблеми со исхраната, често вклучуваат интензивна жед, силен глад, губење на тежината без причина, гладување, повраќање, постојана грижа за тоа што јадете, компулсивно вежбање и депресија.
