Пријатеството и добронамерните односи допринесуваат значително да се успори стареењето на мозокот. Ова го утврдиле група научници од Северо-Западниот универзитет на САД.
Истражувачите проучиле како функционира мозокот кај пензионерите кои имаат многу пријатели и кај оние кои имаат помалку и полоши социјални односи со други луѓе.
Во експериментот учествувале 31 лице на возраст од 80 до 96 години со узразени когнитивни способности и 19 нивни врсници со средностатистички показатели на мозочната функција. Научниците ги замолиле испитаниците да запомнат и да именуваат 15 прикажани објекти. Се покажало дека испитаниците од првата група многу подобро се справиле со зададената задача.
После тоа, учесниците требало да пополнат анкетен лист. Тие одговарале на прашања за своите социјални релации, за односот кон самите себе и нивното опкружување и за целите во нивниот живот.
Научниците ја утврдиле следнава теорија: колку повеќе пријатели имала индивидуата и колку потопли и биле односите со останатите луѓе, толку подобро таа се справувала со задачата. При тоа истражувачите забележале дека јасната мисла зависи истовремено од неколку фактори: здравиот начин на живот, храната, работата, нивото на социјална интеракција со други лица и односот кон самите себе си.
