Мултипла склерозата сама по себе е тешка болест, а најнови резултати на норвешка студија покажале дека оваа болест исто така може да го зголеми и ризикот од рак. Севкупно гледајќи, ризикот од карцином е само 12% поголем, меѓутоа ризикот од одредени видови карцином, како ракот на средишниот нервен систем и ракот на уринарниот систем бил околу 50% поголем кај лицата со мултипла склероза.
Истовремено, пациентите со мултипла склероза имале за две третини поголем ризик од развој на карцином на системот за дишење.
Научниците се надеваат дека резултатите од оваа студија ќе ја зголемат свеста на луѓето за важноста на превенцијата на карциномот и неговото рано откривање кај лицата со мултипла склероза.
Треба да се истакне дека оваа студија само ја покажува поврзаноста помеѓу ракот и мултипла склерозата, но не ја докажува причинско-последичната врска.
