Истражувачите од British Academy of Sound Therapy (BAST) сугерираат дека слушањето музика на дневно ниво, по 78 минути, би довело до подобро ментално здравје. Исто така, велат дека е доволно и само по пет минути да се слуша музика за личноста да биде среќна.
Екипата од академијата истражувањето го спровела заедно со Дизер, а биле анкетирани 7500 претплатници ширум светот. Со истражувањето дошле до резултати дека ни требаат:
- 14 минути музика за поткревање на расположението што не прави среќни;
- 16 минути смирувачка музика што не прави поопуштени;
- 16 минути музика со која ќе ја надминеме тагата;
- 15 минути мотивирачка музика ни е потребна за концентрација;
- 17 минути музика ни се потребни да го смириме бесот.
Лиз Купер од БАСТ по повод истражувањето рекла: „Одредени својства на музиката влијаат на нашето тело и умот. Доколку решите да посветите еден дел од денот на слушање музика тоа може многу да влијае на вашата ментална состојба. Слушајќи ја музиката која ве прави среќни се покренува крвта во деловите од мозокот кои развиваат асоцијација со награда, а се намалува протокот до амигдалата, дел од мозокот кој асоцира на страв.
