Докажано е дека музиката влијае на нашите емоции, односно таа може да нe расплаче, но и да нe наполни со позитивна енергија. Истражување спроведено од научници и лекари од Хонгконг покажало дека музиката може и да нe успие. Во рамки на истражувањето, учесниците секоја вечер пред спиење слушале музика во траење од 30 до 45 минути, и тие не само што заспивале побрзо, туку и подобро спиеле, a и се чувствувале подобро следното утро.
Во истражувањето се покажало дека песните кои имаат помеѓу 60 и 80 удари во една минута можат побрзо да не заспијат, а тој ритам е всушност приближен со ритамот на срцето додека заспиваме. Ние всушност со помош на ваквата музика го наведуваме телото да се релаксира и да ги синхронизира срцевите отчукувања со ритамот на звуците. Со тоа се намалува крвниот притисок и полесно заспиваме.
Освен на сонот, се чини, дека музиката може да делува и на анксиозноста. Друго истражување открило дека учесниците кои слушале музика додека решавале тешки загатки имале помали нивоа на анксиозност за дури 65% во споредба со оние кои не слушале музика за време на решавањето на задачите.
Доколку сакате да заспиете побргу и да спиете подобро, обидете се со слушање на следниве мелодии пред спиење:
- Клод Дебиси – „Clair de lune“
- Моцарт – „Canzonetta Sull’aria“
- Шопен – „Nocturne“
- Сајмон и Гарфанкл – „The Boxer“
