Неодамнешна американска студија правела испитување за тоа како музиката влијае на тоа која храна ја одбираме. Имено, научниците откриле дека колку музиката е погласна во рестораните и супермаркетите, толку почесто одбираме помалку здрава храна, односно брза храна.
Кога музиката е потивка имаме потполна свест за сопствениот избор на храна, така што сме склони на тоа да одбираме поздрава храна
За да дојдат до овој заклучок научниците ги анализирале нарачките на муштериите во еден ресторан во Стокхолм, додека музиката е погласна, а исто и кога е потивка. Се покажало дека 52 проценти од муштериите нарачувале брза храна кога музиката била погласна, додека кога музиката била поблага, овој процент бил понизок (42 %). Колку некое место е побучно, толку нашиот мозок е под поголем стрес, што влијае на нашиот избор на храна. Кога музиката е потивка имаме потполна свест за сопствениот избор на храна, така што сме склони на тоа да одбираме поздрава храна, како салати.
Погласната музика не возбудува и го забрзува срцевиот ритам и не наведува да консумираме повеќе храна и пијалаци. Рестораните и супермаркетите на овој начин со помош на музика можат да влијаат на однесувањето на муштериите и евентуално да го зголемат својот профит.
