Меѓутоа, група американски истражувачи го прифатиле предизвикот и осмислиле алгоритам кој може да го протолкува бебешкиот плач. Со помош на вештачка интелигенција, алгоритамот ги анализира разликите меѓу различните типови звуци кои ги произведува бебето со цел утврдување на нивната причина. Алгоритамот, исто така, може да утврди дали плачот е необичен што би можело да укаже да здравствени тегоби како што се инфекција, воспаление на белите дробови или, пак, проблеми со централниот нервен систем.
Разликите меѓу звучните „сигнали“ кои ги произведува бебето со себе носат важни информации. За да го развијат овој алгоритам, научниците снимиле 48 епизоди на плач кај 26 бебиња на одделот за неонатологија. Звуци потоа интерпретирале родителите на бебињата и други блиски личности или, пак, искусни медицински сестри.
Самиот алгоритам, секако, може уште да се унапреди и авторите на студијата апелираат на болниците и медицинските истражувачки центри да се приклучат и помогнат со цел усовршување и креирање на попрецизен алат. Од друга страна, и самите автори на студијата наведуваат дека вештачката интелигенција никако нема да може да ги замени родителите и нивната поврзаност со детето.
