Луѓето во депресија слушаат тажна музика затоа што заради неа се чувствуваат подобро, тврдат низа истражувања направени врз личности кои се вртат кон сентименталностите во ситуации кога се веќе нерасположени.
Првиот дел од истражувањето кое е објавено неодамна во магазинот Emotion се потпира на слична студија од 2015 година, која покажала дека депресивните луѓе преферираат тажна музика. Истражувачите на Универзитетот во јужна Флорида испитале 76 жени од кои кај половината била дијагностицирана депресија. Тие слушале различни видови музика. Тажната музика ја вклучувала и композицијата „Adagio for Strings“ од Сабуем Барбер, која ширум светот се смета за екстремно депресивна композиција.
Потоа истражувачите на учесниците им пуштале нови инструментални мелодии, и тажни и среќни, и барале од нив да им појаснат како се чувствуваат слушајќи ја таа музика. Повторно депресивните испитаници покажале дека преферираат тажна музика затоа што, како што рекле, ги правела посреќни.
„Тие всушност се чувствувале подобро слушајќи тажна музика. Се чини, дека таквите мелодии имаат релаксирачки и смирувачки ефект на нив“, вели коавторот на истражувањето Јонатан Ротенберг.
Не постојат многу стручни детали и појаснувања зошто тажната музика има позитивно делување врз депресивните луѓе, но веќе со години наназад во психолошкиот свет исклучително делотворни станале музикотерапиите кои им помагаат на луѓето при ослободувањето од душевната болка, во борбата со ракот и бројните психолошки пореметувања.
