Исто така голем е бројот на болести кои се јавуваат во текот на целата година, но сосема сигурно тие се побројни кога ќе дојдат студени денови кога се будат и разни вируси. Еве што ви се заканува во есен и во зима.
НАСТИНКА
Постои причина зошто студените месеци се нарекуваат период на настинки. Имено, постојат околу 200 вируси кои можат да предизвикаат настинка, а некои се будат токму кога ќе настапат судените денови. Уште една причина зошто најчесто се настинуваме во овој период од годината е тоа што повеќе време поминуваме во затворен простор, каде често се наоѓаат повеќе луѓе, па со тоа сме и поизложени на вируси. Спротивно на вообичаеното верување, не може да настинете ако излезете надвор, а не сте добро облечени.
ГРИП
Симптом што ќе ви покаже дека се работи токму за грип е високата телесна температура. Иако температура во ретки случаи се појавува и при настинка, кај грипот таа ќе биде повисока и тоа од 39 степени. Исто така, заболените чувствуваат слабост која може да трае и до три недели. Освен овие симптоми, зарезното лице со грип може да почувствува и болка во грлото, како и нелагодност во градите, а се појавува и кашлица и кивање. Главоболката и болката во телото го следат пациентот низ целиот тек на болеста. Кај повозрасните лица и кај оние со послаб имунитет, грипот може да биде смртоносен.
Сезоната на грип започнува во октомври, а повеќето случаи се во текот на зима. Иако бројот на пациенти варира од година во година, според Центарот за превенција на болести, доколку се вакцинирате навреме ќе ги намалите шансите до 60 проценти од развој на оваа болест.
БОЛНО ГРЛО
Најчесто е во прашање вирусно воспаление на грлото на кое разни лекови нема да делуваат, а дома симптомите може да ги ублажите со помош на обилна хидратација – многу чај, инхалација, витамини, народни лекови како гаргара со чај од жалфија и секако мирување. Секако е важно упте првиот ден на воспалението да се јавите на лекар. Болното грло може да биде симптом и на настинка и на грип, а може да биде предизвикано и од алергии.
СТРЕПТОКОКНО ВОСПАЛЕНИЕ НА ГРЛОТО
Околу 10 проценти од воспаленијата на грло се бактериски, а често се предизвикани од бактеријата стрептокока. Бидејќи станува збор за многу заразна болест, најлесно се шири во затворени простории каде што престојуваат голем број луѓе. За разлика од вирусните воспаленија, ова, може да има полоши последици, како што е воспаление на бубрезите.
ВОСПАЛЕНИЕ НА БЕЛИ ДРОБОВИ
Воспалението на бели дробови или пневмонијата е акутно, инфективно воспаление на белодробниот паренхим што ги зафаќа алвеоларните простори. За најризични групи се сметаат многу мали деца со се уште неразвиен одбранбен систем и генерално лица со хронични заболувања и оштетување на имуниот систем, додека кај лицата над 65 години, пневмонијата е исклучително тешка и често фатална. Сепак, сличен исход може да се случи поради непрепознавање на симптомите на болеста и неодење на лекар. Најчесто се јавува во студените месеци.
АСТМА
Астмата е хронично, имунолошко воспаление на слузницата што предизвикува мускулите на дишните патишта (бронхиите) пребурно да реагираат на различни надразби и да почнат да ги стеснуваат дишните патишта дури и кога тоа не е потребно. Астмата се карактеризира и со зголемена акумулација на слуз во бронхиите, што потоа дополнително го спречува нормалното дишење. За оние кои имаат астма, студените месеци само ќе ги влошат симптомите, особено ако сте активни на воздух. Сувиот воздух, исто така, може да ги иритира дишните патишта, предизвикувајќи засилување на симптомите. Колку што студениот воздух може да биде тригер за астмата, толку на влошување на симптомите можат и алергените од вашиот дом, како што се мувла и прашина.
ЗАКЛУЧОК
Во есен, со промената на временските услови и намалувањето на температурите, многу луѓе се соочуваат со различни здравствени проблеми. Ова е период кога телото се приспособува на постудено и посуво време, што може да предизвика или да влоши некои состојби. Еве некои од најчестите здравствени проблеми во есен:
1. Настинки и грип:
- Во есен, настинките и грипот се многу чести поради постуденото време и почестото престојување во затворени простории. Вирусите кои предизвикуваат овие болести се пренесуваат полесно кога луѓето се во блиски контакт, особено во училишта, канцеларии и јавни простори.
- Симптоми: кивање, кашлица, болки во грлото, треска, замор.
2. Алергии:
- Во есен, некои луѓе се соочуваат со сезонски алергии предизвикани од полен од треви, плевели и мувла која се развива во влажни услови. Алергените може да предизвикаат респираторни проблеми и иритации.
- Симптоми: затнат или тече нос, кивање, чешање на очи, кашлица.
3. Астма и хронични респираторни заболувања:
- Луѓето со астма или хронични белодробни болести како ХОББ може да доживеат влошување на симптомите поради студеното и суво време. Студениот воздух може да го иритира респираторниот систем и да предизвика отежнато дишење.
- Симптоми: отежнато дишење, кашлица, стегање во градите.
4. Сува кожа и егзема:
- Со намалувањето на влажноста на воздухот во есен, кожата може да стане сува, а кај луѓето со егзема може да дојде до влошување на состојбата.
- Симптоми: чешање, лупење на кожата, појава на црвени дамки.
5. Депресија и сезонски афективен синдром (SAD):
- Со помалку сончева светлина во есен, кај некои луѓе може да се развие сезонски афективен синдром (SAD), форма на депресија која е поврзана со сезонските промени.
- Симптоми: тага, губење на енергија, проблеми со спиењето, намалена концентрација.
6. Срцеви проблеми:
- Студеното време може да го зголеми ризикот од срцеви напади кај лицата со кардиоваскуларни заболувања. Ова е поради зголемениот напор на телото за одржување на температурата и стеснување на крвните садови.
- Симптоми: болка во градите, замор, отежнато дишење.
7. Инфекции на синусите (синузитис):
- Поради поладното и суво време, како и често користење на греење, слузниците во носот може да се исушат, што го зголемува ризикот од инфекции на синусите.
- Симптоми: главоболка, болка во лицето, затнат нос.
Превенција и грижа во есен:
- Вакцинирање против грип: важно е да се вакцинирате за да се заштитите од вирусите.
- Хидратација: пиење доволно вода за да ја одржите кожата и телото хидрирани.
- Здрава исхрана: внесување повеќе витамини и минерали за зајакнување на имунитетот.
- Физичка активност: редовно вежбање за да го одржите телото во форма и да го подобрите менталното здравје.
- Заштита од студ: облекување слоевито за да се заштитите од студот и да избегнете настинки.
Овие мерки можат да помогнат во намалување на ризикот од есенските здравствени проблеми и да придонесат за подобро здравје во текот на сезоната.
