Францускиот гинеколог Мишел Оден смета дека на мажите не им е место во родилната сала и дека токму тие се виновни затоа што поголемиот број жени раѓаат со царски рез.
“Сум породил илјадници жени и искуството ми покажало дека присуството на вознемирен маж на чинот на раѓање прави жените да станат многу понапнати, заради што се забавува производството на хормонот окситоцин, кој на идните мајки им помага за време на породувањето.”
Жените се срамежливи
“Со оглед на тоа дека веќе педесет години породувам жени во Франција, Англија и Африка тврдам дека за лесно и брзо породување најважно е покрај жената да бидат само лекар и тивка, ненаметлива, позитивна и искусна бабица”, вели овој доктор и додава дека окситоцинот, хормонот на љубовта, и помага на жената да роди и да воспостави врска со бебето. Тој уште истакнува и дека кога е тука мажот се лачи и хормонот на срамежливост, кој се јавува кога жената во присуство на мажот (но и останатиот медицински персонал) се сретнува со ситуација во која се уште не е видена: не изгледа убаво, испушта болни гласови и не може да се контролира.
Повеќето мажи се шокирани
“Важно е да се напомене и тоа дека голем број мажи се шокирани од телесните течности кои се лачат за време на чинот на раѓање, па често губат свест и повраќаат, прашуваат дали чинот (или самото доаѓање на бебето) може да се фотографира, со што поприлично им пречат на лекарите. Исто така, жената после тоа не може психолошки да влезе во таканаречената породилна зона, што ја потврдува теоријата дека посилниот пол сепак треба да почека во чекалната.
Прво добро размислете
Од друга страна, заговорниците на теоријата дека мажите треба да присуствуваат на раѓањето истакнуваат дека ним, секако, место им е покрај сопругата онолку колку што сака таа и дека нивната задача е да ја поддржат и опуштат. Како и да е, пред да се решите на овој чекор добро размислете што е најдобро за идната мајка да биде опуштена, а на секој иден татко останува самиот да реши дали е во состојба мирно и без паника да присуствува на овој чин.
