На млади Британци ќе им се плаќа по 4.500 фунти за да се заразат со коронавирус во ново истражување кое ќе отвори пат за испитување на вакцини и испитување на ефектот на различни варијанти на луѓе. Истражувањето, според британските медиуми, треба да започне идниот месец.
Се бараат до 90 волонтери на возраст од 18 до 30 години, кои ќе бидат изложени на мали количини на коронавирусот во контролирана средина во болницата Royal Free Hospital во Лондон.
Научниците од Империал колеџот во Лондон и стручњаците од Националната здравствена служба ќе ги мониторираат волонтерите две и пол недели и ќе ги следат во наредните 12 месеци за да ги воочат сите последици од КОВИД-19.
“Првите 17 дена на младите лица во карантинот ќе им биде многу тешко, оти не смее никој да ги посети од семејството, пријателите или роднините. Првите 17 дена се плаќа по 1500 фунти, што е 88 фунти на ден“, вели проф. Теренс Стивенсон, раководител на Управата за здравствени истражувања.
Студијата на крајот ќе може да тестира нови вакцини или засолувачи кои ќе бидат потребни за борба против ноите соеви, но тоа дополнително треба да се одобри.
“Ова прво ипитување воедно ќе биде критична платформа и можност за учење кое можеме да го спроведеме на било која нова варијанта на вирусот, ако ни затреба. Ќе ни бидат потребни отприлика три до четири месеци за производство на нови варијанти на вирусот, ако тоа биде потребно“, вели д-р Ендру Кечпол, еден од научниците.
