Промените во чекорењето може да бидат знак за дијабетес, а на стапалата се гледаат првите знаци на меланом или микропрелом. Отекувањето упатува на проблеми со висок притисок. Ноктите предупредуваат на болести на срцето и на белите дробови, а пецкањето во нозете може да биде знак на дијабетес или недоволно витамин Б во организмот.
Црни точки
Црните точки на стапалата не треба да се занемарат оти може да бидат знак за меланом. Меланомот може да се појави и под ноктот, како обична пигментација, предупредуваат лекарите. Иако стапалата не се многу изложени на сонце, ракот на кожата е чест на ножните прсти, па е добро при појава на вакви црни точки да се јавите на лекар.
Болка во петата
Болка во петата, која обично е насилна кога наутро прв пат ќе станете на нозе, ретко може да предупредува на тумор, инфекција на коската или скршеница. Почесто е предизвикана од преголема физичка активност, артритис или несоодветни чевли.
Осум од 10 жени страдаат од Мортонов невром – задебелување помеѓу третиот и четвртиот прст.
Грчеви
Ненадејни и оштри болки во стапалата или прстите на стапалата најчесто се знак на замор или претерана физичка активност. Сепак, лекарите велат дека таквите грчеви може да бидат и симптом на нерамнотежа на магнезиум, калциум и витамин Д во телото, како и да се знак за дехидрација и слаба цирклуација, и се советува стручна помош.
