Единствено правило при вежбање во зимски услови е да постигнете соодветна температура на телото и да се одржи константна.
Здрава исхрана
Пред да почнете да размислувате што да облечете за вежбање најадете се добро. На лето телото се поти и се ослободува од мастите за да ја регулира телесната температура, но во зима е потребно преку исхраната да се генерира повеќе топлина, која ќе се задржи во телото за време на вежбањето.
Правилната исхрана ја регулира телесната температура на начин што телото создава доволно енергија за зачувување на топлината, но и за сила при изведувањето на вежбите. Идеална храна пред важбањето се сложени јаглехидрати во топла форма. Тоа може да биде супа, тестенини со доматен сос, овесни снегулки, топли пецива со свежо сирење, па дури и шолја топло чоколадо или чај по оброкот.
Понесете течности
Дишејќи ладен и сув воздух, телото се обидува да се загрее и навлажни, а преку тој процес телото губи енергија и течности. Свесно одредете си количина на течности која ќе ја испиете при вежбањето.
Паметно изберете облека
За да го намалите студениот воздух кој го вдишувате, можете да носите шал или маска преку устата. Тајната на правилното облекување при студено време е слоевитост. Дебела јакна или елеците нема многу да помогнат.
Телото во текот на вежбањето се загрева и поти под таква облека. Со оглед на тоа дека воздухот е прекрасен изолатор, слоевитото облекување ќе го реши проблемот. Прво облечете синтетичка маица која нема да ја собира потта (за разлика од памучната), и тоа ќе го сочува телото суво и топло. Потоа изберете еден или два слоја на облека од лесна волна, за да ја генерира и да ја сочува топлината, а потоа изолирајте се со еден „hi-tech“ материјал кој мора да биде водоотпорен. Доколку телото се прегрее, лесно може да соблечете еден слој од маиците која по вежбањето повторно ќе си ја облечете.
Задолжително загрејте ги дланките и стопалата
Дланките и стопалата се периферија на телото и затоа многу помалку се под влијание на нашата базелна температура на телото. Ставете ракавици и облечете топли чорапи. Важно е да имате комотни обувки, за стопалото да има место, поради дебелите чорапи. Многу е важно да имате обувки со дебел ѓон. Студеното време е проследено со лизгав терен, а падот во таквите услови е многу поризичен кога станува збор за повреди или скршеници.
Доколку се вистински фанатик за вежбање и ништо не може да ве спречи да отидете на тренинг, треба да знаете и кога да се откажете од вежбање надвор. Доколку температурите се ниски, ветарот е силен или паѓа многу снег, подобро е да останете дома и во домашни услови да го одработите третнингот.
