На пациентите со рак им се советува да почнат со вежбање уште пред да почнат со хемотерапија, со цел физичката активност да им помогне во зајакнувањето на телото и со самото тоа да им ги зголеми шансите за преживување.
„Лекувањето од рак сега е поефикасно од кога било, но навистина вежбањето може да придонесе многу. Се повеќе докази има дека е навистина вредсно да се обидете да го подготвите телото за хемотерапија или голема операција. Всушност го ’подготвувате’ за опоравување пред лекувањето воопшто да почне“, вели онкологот Симон Стивенс.
Кога станува збор за Велика Британија повеќе од 500 луѓе од Манчестер моментално се дел од програма, а се очекува повеќе од 2000 да учествуваат во следните две години.
Дејвид Фолес, кој годинава е дел од програмата, истакнал дека вежбањето му го скратило времето на опоравување.
„Да ми кажеше некој во февруари дека ќе одам во теретана, ќе му се смеев. Опрацијата ми беше прилично застрашувачка и траеше 10 часа. Ми беше кажано дека во болница ќе бидам две, три или четири недели, останав помалку“, рекол 68-годишниот Фолес.
