Превенцијата е клучна во лекувањето на оваа болест, затоа не одложувајте го прегледот кај дерматолог. Ракот на кожа може да се лекува ако се открие во ран страдиум. Доколку забележите сомнителни промени на кожата, задолжително побарајте совет и помош од дерматолог. Ако лекувањето се одложува, состојбата се влошува и во некои случаи може да предизвика компликации, па и смртен исход.
Еве на кои се места на телото може да се појави рак на кожата.
- ПОД НОКТ
Тој може да се јави и под ноктот на ногата, а често причината е повреда, а не изложување на сонце. Меланомот на ноктот не е чест и припаѓа во акролентигинозните форми на меланом. Оваа ретка форма на меланом може да изгледа како темна дамка под ноктот која расте и не поминува или како јазол под ноктот. Што точно ја поттикнува појавата на овој редок вид на меланом не е точно утврдено, но досега е утврдено кај пациентите кои користеле УВ лапми со цел ставање гел на ножните нокти.
- ТАБАНИ/СТАПАЛА
Обично се работи за истиот тип на рак кој се јавува под ноктот. Често прво се забележува кога ќе се појави темна дамка, а понекогаш може да има црвеникава или портокалова боја. Лекувањето обично се состои од отстранување на израстокот, зрачење и хемотерапија.
- ДЛАНКИ
Ако имате темна боја на кожа, поголема е веројатноста да се појави на места кои не се толку изложени на сонце, како што се стапалата и дланките, почесто се јавува кај лицата со темен тен, а само околу 2 проценти од случаите се забележано на лица со светол тен. Често е многу поопасен од останатите меланоми, често затоа што лицето не го забележува навреме.
НА ОЧНИОТ КАПАК
Премногу изложување на сонце често е причина за оваа промена, а може да се отстрани хируршки и често не е опасен ако рано се забележи.
- НА ТЕМЕТО
Често, на темето (скалпот) може да се појават израстоци, но тоа не значи дека се работи за рак, а околу 13 проценти од сите карциноми на кожата се развиваат на скалпот и честопати не се толку опасни состојби. Ако забележите израсток на скалпот, а ако е во прашање рак, можеби да биде мал, мазен израсток или може да крвари.
- ВО УВОТО
Ако не се лекува, ракот на кожа од надворешната страна на увото може да се прошири и на внатрешниот дел, па и на ушниот канал, кој се протега до малата коска во средното уво па до нервите во средното уво кои испраќаат сигнали до мозокот.
- НА ЈАЗИКОТ
Може да забележите бели наслаги на јазикот што можете да ги отстраните ако се обидете или губење на сетилото за вкус, трнење или дури и болка што не поминува. Почесто се случува кај лицата кои пушат цигари или пијат многу алкохол. Обично се решава со операција.
- НА УСНИТЕ
Немеланомските карциноми често се јавуваат на усните, а најчесто на долната усна. Исто така, се јавува почесто кај мажите отколку кај жените, веројатно затоа што повеќе користат алкохол и цигари. Ако имате ХПВ, ризикот од развој на оваа форма се зголемува.
