Високите летни температури, како и високиот степен на влажност на воздухот создаваат идеални услови за размножување на бактерии кои предизвикуваат труење со храна. Што треба да избегнувате да консумирате додека сте на плажа?
1. Додека сте на плажа, консумацијата на полутрајни салами дефинитивно треба да се избегнува, исто како и паштети или готови пекарски производи со месо. Освен што високата температура влијае врз нивно расипување, овие намирници не се нутритивно богати, па наместо да го снабдат телото со потребната енергија, тие му ја одземаат.
Совет: Едно парче печено месо кое ќе го ставите во преносен фрижидер и свеж зеленчук и леб се многу подобра опција за здрав и безопасен оброк на плажа.
2. Оброците на плажа не треба да бидат мрсни, солена или кремасти за да не си го расипете одморот. Кремастите салати, секако, треба да се избегнуваат, бидејќи повеќето од нив содржат јајца кои во лето се најчест извор на зараза со салмонела.
Совет: Чипс од батат, јаболка ќе ја задоволат желбата за грицкање, исто како и бадеми, ореви и лешници кои ќе му обезбедат енергија на нашето тело.
3. Ќебапчиња, хамбургери и помфрит се вообичаена понуда на летните ресторани. Наместо тешки оброци, кои ќе ве преоптоварот, се препорачува на плажа да се носи лесна храна.
Совет: Пазарите изобилуваат со свежо овошје и зеленчук, чија хранлива вредност треба да се искористи. Брзите салати се одлично решение.
4. Консумирањето на газирани и купечки сокови кои содржат големи количини на шеќер и кои не само што не спречуваат дехидрација, туку и ја поттикнуваат треба во потполност да се одбегнува исто како и алкохолните пијалаци.
Совет: Резервите со вода се приоритет на плажа, па наместо купечки сокови можете сами да направите дома свежо исцеден сок од грејвпфрут, на пример. Грејпфрутот содржи многу вода, малку натриум и ја надоместува потребата за течности и минерали.
