НА ШТО ПРЕДУПРЕДУВААТ ЛЕКАРИТЕ: Кога главоболката може да биде симптом на тумор на мозокот?

Доколку се работи за необично силна болка која ви е целосно непозната, јавете се на лекар веднаш!

Постојат многу причини зошто може да се појави главоболка, често без јасна причина, понекогаш поради дехидрација или лош сон… Но, кога таа не поминува, исклучително е силна, често се јавува… Јасно е дека ќе проверите што е во прашање.

КОЛКУ ЧЕСТО ГЛАВОБОЛКАТА Е СИМПТОМ НА ТУМОР НА МОЗОК?

“Главоболките се многу вообичаени, додека туморите на мозокот се многу ретки“, вели неврохирургот д-р Камерон Бренан и додава дека на околу 100.000 луѓе годишно им се дијагностицира некој вид тумор, додека на мигрена се жали едно до седум лица.

“Главоболката е еден од најчестите симптоми со кои се среќаваме во секојдневниот живот. За голем број луѓе таа е составен дел од животот. Главоболките ги делиме во две основни групи според причината за нивното појавување: примарни главоболки и секундарни главоболки. Примарните главоболки се многу почести, а нивната причина често останува неоткриена. Меѓу најчестите форми на примарни главоболки се мигренозната главоболка, тензиската главоболка и кластер главоболката. Секундарните главоболки се резултат на некои други болести“, објаснува доц. д-р Сандра Моровиќ, специјалист по неврологија.

Според пишувањата страницата на Американското здружение за тумори, шансите да сте во ризичната група од појава на овој тумор во животот се помали од 1 процент.

КОГА ГЛАВОБОЛКАТА МОЖЕ ДА БИДЕ СИМПТОМ НА ТУМОР НА МОЗОК?

“За главоболката да биде симптом на примарен тумор на мозокот, тој веќе треба да биде многу голем“, вели онкологот д-р Аликс Портер, професор по неврологија на клиниката Мајо и објаснува дека тогаш доаѓа до притисок на таа голема маса врз нервите или крвните садови во главата. Покрај тоа, главоболката ретко е единствениот симптом на примарен тумор на мозокот, и почесто ќе се појават други невролошки симптоми, можно заедно со главоболка, објаснува д-р Портер, а тие вклучуваат промени во видот, напади, слабост на едната страна од тело, потешкотии во зборувањето, заедно со бројни други симптоми. Веројатно би знаеле дека нешто не е во ред и без самата главоболка.

И додека секој човек е единствен, главоболките поврзани со тумори на мозокот често имаат некои заеднички карактеристики, истакнува д-р Моровиќ: “Константни се и поизразени навечер или рано наутро. Често се опишуваат како тапи главоболки од типот на ‘притисок’, иако некои пациенти исто така чувствуваат оштра или ‘прободувачка’ болка“.

КОГА ГЛАВОБОЛКАТА Е ЗАГРИЖУВАЧКА?

  • Главоболка која се јавува за прв пат после педесеттата година од животот.
  • Главоболка која се јавува ненадејно, е исклучително силна, „како никогаш дотогаш“.
  • Главоболки кои се јавуваат се почесто, се посилни и не реагираат на аналгетици.
  • Главоболка која се јавува кај лице со малигно заболување, ХИВ или друга сериозна болест.
  • Главоболка која се јавува кај пациенти со општа инфекција, придружена со треска, вкочанет врат, болки во мускулите или зглобовите.
  • Главоболка придружена со нејасен говор или слабост на едната страна од телото, двојно гледање, губење на видот, рамнотежа или координација на движењата.
  • Главоболка придружена со поспаност или збунетост.
  • Главоболка придружена со повраќање.
  • Главоболка со која се јавува епилептичен напад.
  • Главоболка која се јавува по повреда на главата.
  • Главоболка која се влошува при кашлање, кивање или физички напор – овие главоболки може да бидат безопасни, но бараат лекарски преглед и дијагностичка обработка.