Некои од најголемите прашања околу болеста КОВИД-19 повеќе не се однесуваат на самиот вирус, туку на “долгиот КОВИД-19“. Замор, мозочна магла, губење на мирис и вкус, се се тоа симптоми што го следат долгиот ковид.
Нова студија се обидела да одговори на некои важни прашања така што следела околу 200 пациенти со КОВИД-19 и ги следела нивните симптми. Д-р Иман Џоши открива некои информации.
ДАЛИ НЕКОИ ЛИЦА СЕ ПОСКЛОНИ КОН РАЗВОЈ НА ДОЛГ КОВИД-19?
Кога станува збор за оние кај кои постои најголем ризик за развој на симтпми на долг КОВИД-19, д-р Џоши вели дека стручната јавност сè уште размислува околу ова прашање.
“Знаеме дека некои лица кои имаат и благи симптоми на болеста може да страдаат од долг КОВИД и дека вакцинацијата пред самата болест е добра заштита од долг КОВИД-19“.
КОИ СЕ ТИЕ ФАКТОРИ ШТО ГО ЗГОЛЕМУВААТ РИЗИКОТ ОД ДОЛГ КОВИД-19?
“Истражувањето следеше мала група на лица позитивни на коронавирус, па се до оздравување и неколку месеци потоа. Податоците беа споредени со контролна група на здрави лица за да може јасно да се воочат разликите“, објаснува д-р Џоши.
Според резултатите, се чини дека постојат 4 главни фактори за кои научниците сметаат дека може да значат ризик од развој на долг КОВИД-19.
- Дијабетес тип 2
- Ниво на SARS-CoV-2 РНК во крвта
- Реактивиран Епштејн-Баров вирус откриен во крвта
- Присутност на антитела (кои по грешка ги напаѓаат ткивата)
Според д-р Џоши студијата исто така открива дека жените кои некогаш имале респираторни болести и имале повеќе црвени крвни зрнца, почесто се дијагностицирани со долг КОВИД-19.
Џим Хит, водечки автор на студијата, смета дека ова истражување ја истакнува важноста од проверка и споредба на податоците во раната фаза на болеста за да се открие како да се третираат пациентите, дури и ако во овој момент не се знае како да се искористат сите тие информации, но еднаш, кога ќе се имаат податоците, ќе се научи како да се користат.
“Кога пациент вели дека постојано е уморен, а докторот му вели да се одмора повеќе… Тоа сакаме да го спречиме, бидејќи во таква ситуација мора да се признае дека нешто не е во ред со пациентот, а ако ги знаеме симптомите на долг КОВИД-19 и што го предизвикува, лекарот веднаш ќе ги препознае“.
ТРЕБА ЛИ ДА БИДЕМЕ ЗАГРИЖЕНИ ПОРАДИ ДОЛГИОТ КОВИД-19?
Според стручњаците засега не постои јасен одговор. Социјалните мрежи се преполни со загрижени лица кои не знаат што ќе прават со упорните и акутни симптоми кои траат и неколку недели по болеста, а се знае дека симптомите на респираторните болести исчезнуваат во кус рок.
Исто така, нагласуваат лекарите, не сме сигурни дека постојат предупредувања кои се јавуваат во првите две недели по опоравување, кои би му откриле на лицето дека се работи за голем ризик од долг КОВИД-19.
“Она шти го сфативме од претходни студии е дека лицата кои веќе имаат некои болести, како дијабетес тип 2 или автоимуни болести, или оние кои користат одредени лекови за имунитет, им е потребно и повеќевреме да се опорават од вирусот во споредба со оние кои ги немаат овие состојби“, додава д-р Хит. Сепак напоменува дека состојбата се следи 4 недели, а ако симптоми не се повлекуваат, треба да се посети лекар.
