Доколку заборавате, лошо сте концентрирани, понекогаш забавени, збунети и потиштени, не мора да значи дека станува збор за деменција. Овие симптоми може да се карактеристични за некои други состојби кои лекарите ги опишуваат како реверзибилна деменција.
Делириум
Делириумот е состојба на збунетост и конфузија, која настанува од повеќе причини, може да биде мошне слично на деменција. Меѓутоа, разликата е во тоа што симптомите на делириум траат само неколку дена, додека кај деменцијата се трајни и прогресивни.
Депресија
Луѓето кои патат од депресија искусиле моменти на заборавност и дезориентираност. Но сепак постои едноставен начин да се утврди разлика меѓу депресијата и деменцијата. Во случај на депресија прво настапува лошо расположение, кое предизвикува проблеми со памтењето, додека во случај на деменција заболените стануваат потиштени баш заради падот на когнитивните способности.
Недостаток на витамин Б12
Дефицитот на витаминот Б12 може да предизвика слабокрвност, состојба која директно води кон појава на симптоми како забавеност, апатија и нервоза. Од оваа причина овие знаци би требало да ја упатат личност да го провери количеството на витамин Б12 во организмот, како и на испитување дали оваа хранлива материја правилно се апсорбира.
Болести на штитната жлезда
Личностите кои патат од намалена функција на штитната жлезда или хипотиреоидизам често може да имаат симптоми слични на деменција. Единствен начин прецизно да се утврди причината за симптомите е да се направи анализа на хормонот на штитната жлезда.
Алкохолизам
Оние кои се склони често да консумираат алкохол може да искусат симптоми како амнезија и збунетост. Меѓутоа, иако алкохолизмот ја намалува можноста да се сетиме на некој настан после престанокот на употреба на алкохолни пијалаци мозокот може да се врати во нормална состојба.
