Само 20 минути откако личноста ќе ја запали последната цигара, брзината на срцевите отчукувања и крвниот притисок се спуштаат на нормално ниво. Поранешните пушачи ќе мора да почекаат 15 години да им се намали ризикот од болести на срцето и мозочен удар, покажало едно поново истражување.
После анализата направена врз основа на податоци добиени од 8 700 луѓе на возраст до 50 години, истражувачите откриле дека на поранешните пушачи им се потребни повеќе од десет години за да се отстрани негативното делување на никотинот и останатите хемикалии од цигарите во нивните тела.
„За жал, ова е добра вест. Срцето и крвните садови најбрзо можат да се опорават од оштетување од пушењето“, објаснува авторката на истражувањата Мередит Данкан.
Белите дробови се сосема поинаква приказна!
Болестите на срцето се најчест убиец во сите земји од светот, вклучително и Америка и Велика Британија. И додека од ден на ден има се повеќе заболени од срцеви болести (заради дебелина, стрес, недостаток на вежбање и слаба исхрана) бројот на срца достапни за трансплантација е ист.
За среќа, еден од најголемите фактори на ризик – пушењето – повеќе не е толку „модерно“ како некогаш, поточно откако се објавени “The Cigarette Papers” во почетокот на деведесеттите од кои се дознало колку всушност цигарите му штетат на човековото здравје.
„После објавата на информацијата за влијанието на пушењето врз здравјето, постојано се зголемува бројот на бивши пушачи, но не и знаењето за здравствените ризици кои го следат престанувањето на пушењето“, рекла Данкан. Таа и нејзиниот тим сакале да истражат колку време е потребно за оставањето на цигарите да се одрази врз здравјето на поранешните пушачи.
„Имаше недостаток на информации за тоа што долгорочно се случува со луѓето врз основа на проценките од строго собирани податоци“, рекла Данкан за Дејли меил.
