Бившите пушачи ќе мора да причекаат 15 години, ризикот од болести на срцето и на мозокот да се врати на ниво како кај непушачите, докажала нова студија која е спроведена на Универзитетот Вандребилт во САД.
По анализата на податоци собрани од 8.700 лица за период од 50 години, научниците дознале колку време е потребно организмот на пушачите целосно да се опорави.
Според зборовите на лидерот на студијата, Меридит Данкан, ова е добра вест бидејќи срцето и крвните садови многу побрзо се опоравуваат од белите дробови.
За да дојдат до што попрецизни резултати, стручниот тим собрал податоци од студија која се спровела од 1948 до 1975 година, и вклучувала две генерации на луѓе , од кои една половина биле пушачи.
Тимот на д-р Данкан, како тешки пушачи ги издвоил оние кои пушеле една кутија цигари дневно во период од 20 години, а во студијата е забележано дека на тешките пушачи одат 70% од срцевите удари.
По пет години непушење, ризикот од инфаркт се намалил за 38%. Но, требале околу 15 години да нивниот кардиоваскуларен систем се врати на ниво како што бил пред да почнат да пушат.
“За лицата кои многу пушат, со текот на годините може да се случи, состојбата кај крвните садови и белите дробови никогаш во целост да не се нормализира, но важно е да се запомни дека ризикот од заболувања значајно се намалува, затоа оваа студија е многу важна“, заклучила д-р Данкан.
