Ако се извалкате кога јадете, многумина ова го сметаат за неспретност, но, според едно истражување, всушност станува збор за нешто друго. Имено, постои разлика во начинот на кој еден многу интелигентен човек го користи својот мозок во споредба со луѓето со пониска интелигенција. Кога размислувате за сè што се случува и кога ја кревате чашата и ја принесувате до уста, работата станува многу појасна – вашиот мозок ја пресметува тежината на чашата, растојанието кое раката мора да го помине без да ја истури, брзината на движење на раката и положбата на устата. Меѓутоа, интелигентните луѓе многу ретко се фокусираат на работите што се случуваат во моментот, особено на оние што ги прават механички, а така е затоа што на ум имаат еден куп други работи.
„Колку е поорганизиран вашиот мозок, толку сте поинтелигентни. Со други зборови, не се работи за тоа дека сте несмасни, туку дека другите работи се далеку поприоритети за вас отколку пијалаците што ги консумирате, а кои доаѓаат на секундарно место“, објаснува авторот на студијата Стив Џонсон.
Други знаци за натпросечна интелигенција се:
- Лесно ја пронаоѓате врската помеѓу очигледно неповрзани информации;
- Сочувствувате со другите;
- Духовити сте;
- Имате силна самоконтрола;
- Сакате да бидете сами;
- Отворени сте за нови идеи;
- Свесни сте за сопственото незнаење;
- Лесно се прилагодувате на новите ситуации и луѓето;
- Ја претпочитате ноќта;
