Надуеноста се јавува кај наталожување на гасови во дигестивнитот тракт. Причините можат да бидат различни од алергија и интолеранција на одредени намирници, запек, отежнато варење, потоа одредени навики во исхраната (пиење газирани напитоци, внесување на премногу сол или шеќер, недоволен внес на влакна), како и хормонски промени (на пример, надуеноста е чест проблем пред и за време на менструација).
Шетањето – и физичката активност воопшто – го поттикнува варењето, помага во елиминирањеtо на прекумерните гасови во цревата и спречува појава на запек. Јогата, исто така, може да помогне кај овие проблеми.
Растителни чаеви (на пример, чајот од нане, камилица, ким, анис) помагаат кај отежнато варење и ги отпуштаат интестиналните мускули и на тој начин помагаат кај наталожените гасови и мрзливи црева. Капсулите и таблетите со симетикон, исто така, можат да помогнат кај надуеност во цревата.
Блага кружна масажа на стомакот во насока на стрелките на часовникот, исто така, е одличен начин да го ублажите притисокот во стомакот од гасови и да ја поттикнете перисталтиката на цревата доколку патите од запек. Доколку при тоа се јави каква било болка, ведаш прекинете со масажа.
Некои од генералните совети кои ќе ви помогнат на долги патеки при проблеми со цревата се: постепено зголемувајте го внесот на влакна до препорачаните 30 г дневно, внесувајте намирници кои се богати со пробиотици, одбегнувајте гуми за џвакање, бидете физички поактивни во текот на денот и пијте доволно вода. Исто така, би било добро да водите дневник на исхрана во кој би запишувале што јадете во текот на денот и дали и во која мера се јавиле дигестивни пречки. На овој начин полесно ќе откриете која храна и напитоци му пречат на вашиот дигестивен тракт.
