Прекумерното потење може да доведе до дехидрација, а последица може да биде тромбоза, мозочен инсулт (удар) и срцев инфаркт, а најзагрозена група се лица над 40 години со покачен крвен притисок, аритмија и атријална фибрилација.
Освен редовно мерење на крвниот притисок со домашен апарат за притисок, еве што друго може да направите за своето здравје.
Кардиоваскуларните болести се главна причина за смртност во земјава и во Европа. Она што загрижува се наглите претстојни температурни скокови, промена на времето, притисокот на воздухот, големи жештини и студено време, периоди кои се најризични за срцевите болни.
“Екстремната жештина ја отежнува работата на срцето и може да влијае на зголемување на ризикот од срцев удар. Трендот на пораст на температурите во летните месеци, наназад неколку години, може да претставува проблем кај состојби како што се атријална фибрилација, срцеви аритмии, но и општо кај други болести на срцето“, објаснува проф. Д-р Хрвоје Пинтариќ, специјалист за итна и интерна медицина.
Зошто летната жештина е ризик фактор?
При жешко време, доаѓа до ширење на крвните садови што помага за отпуштање на топлината од телото, но доведува и до пад на крвниот притисок. Во случај да изостане соодветна рехидрација, може да дојде до појава на несвестица.
Доколку високата надворешна температура е придружена со високо ниво на влага ви воздухот, потта нема да испарува, што ја намалува можноста за природна регулација на температурата на телото. Со потењето губиме течности и електролити, што може при засилено потење со несоодветен надомест, да доведе до дехидрација со намалување на виркулаторниот волумен и зголемен вискозитет на крвта, што може да предизвика тромбоза, мозочен инсулт или срцев инфаркт.
СЛЕДЕТЕ ГИ ЛЕКАРСКИТЕ СОВЕТИ
Општите насоки вклучуваат разладување на телото и внес на доволна количина течности. Не треба да се чека да се појави чувството на жед туку треба да се рехидрира телото со обична вода според упатствата на лекарот кој ќе го одреди дозволениот дневен внес. Важно е да се избегнуваат сокови или напивки со кофеин. Исто така, течноста не треба да биде многу студена. Се препорачува да се јадат помали и почести оброци, како и туширање со млака вода по потреба.
Избегнувањето престој на сонце од 10 до 17 часот е веќе добро познато правило за заштита од жештините. Високата температура во комбинација со дехидрација може да доведе до развој на компликации или до нагло влошување на постојните здравствени проблеми. Избегнување поголем физички напор и почитување на потребата на телото за одмор кога е топло надвор е исто така важна мерка.
“Сезоната на клима уреди започна, па затоа не е на одмет да се знае: разликата помеѓу температурата на просторијата и надворешниот воздух не смее да надмине 7 степени, а постепено прилагодување е потребно при излегување надвор“, потсетуваат стручњаците.
