Да се изгубат килограми понекогаш е тешко, особено на постара возраст. Но, лекарите предупредуваат дека брзото губење на килограмите може да биде исклучително лошо за здравјето.
„Ако драматично ја менувате тежината или губите многу килограми за неколку недели, поголемиот дел од таа тежина е всушност само течност која може да доведе до дехидрација“, открил докторот Бред Mекеј.
„Луѓето може да се чувствуваат уморни, да имаат лош здив или абдоминални проблеми“, додал тој. Ефектите од наглите диети се особено штетни за срцето, објаснил докторот. Имено, кога луѓето имаат вишок на килограми, срцето работи напорно за да пумпа крв во сите делови на телото и се бори со отпор.
„Кога ќе ослабите, срцето се опушта, но потоа повторно ја враќате тежина назад. На тој начин не правите добра и постепена промена“
Постојат неколку симптоми кои може да покажат дека телото се чувствува лошо поради ненадејната загуба на килограми.
„Некои од најчестите индикатори се проблеми со срцето или болка во градите. Некои опишуваат дека се чувствуваат како да имаат стегнат појас на градите“, открива Мекеј и вели дека луѓето треба да бидат особено внимателни ако таквата болка ја почувствуваат за време на вежбање, кога телото е изложено на поголем напор
„На телото тогаш му треба повеќе кислород, а ако артериите ви се блокирани, ќе чувствувате дека го губите здивот“, изјавил докторот и предупредил да се внимава на симптоми како слабост, гадење, повраќање, потење и вртоглавица.
Докторот советува, сепак, да се обидете да ја губите тежината постепено и да се консултирате со вашиот лекар.
„Луѓето со висок крвен притисок и холестерол во крвта мора да го одржуваат телото хидрирано. Треба да бидете во форма пред да почнете со екстремно вежбање“.
„Јадете појадок богат со протеини, чинијата прво наполнете ја со зеленчук, а потоа со месо, обезбедете му на организмот повеќе видови на зеленчук и овошје во тек на денот, намалете го внесувањето на шеќер, немојте да пиете алкохол“, се само некои од советите на доктор Мекеј за здраво слабеење.
