Во замокот Љубљански град во четвртокот (9 март 2023 година), свечено беа прогласени девет победници на конкурсот 9. International Medis Awards for Medical Research. Конкурсот веќе девет години ги наградува врвните научни достигнувања на лекари и фармацевти од девет земји на централнa и југоисточнa Европа.
Меѓу победниците на конкурсот 9. International Medis Awards for Medical Research (по област) се најдоа:
- Гастроентерологија: Јулијан Петер Шварцлер, д-р мед., Австрија;
- Гинекологија: д-р Вид Јанша, Словенија;
- Медицина за интензивна нега и анестезиологија: Кристијан Рајтерер, д-р мед., Австрија;
- Неврологија: д-р Иво Божовиќ д-р мед., Србија;
- Офталмологија: Мартина Томиќ, д-р мед., Хрватска;
- Педијатрија: проф. д-р Златан Звиздиќ, д-р мед., Босна и Херцеговина;
- Пулмологија и алергологија: Кристијан Ланг, д-р мед., Австрија;
- Ревматологија: вонр. проф. доц. д-р Петер Мандл, д-р мед., Австрија;
- Фармација: проф. д-р Анета Периќ, м-р фарм., Србија.
Проф. д-р Борут Штрукељ, м-р фарм, претседател на меѓународната стручна комисија: Највисоки пофалби и искрени честитки за врвните лекари и фармацевти од нашиот регион
Претседателот на меѓународната стручна комисија проф. д-р Борут Штрукељ, м-р фарм, изјави за објавеното истражување: „За членовите на меѓународната стручна комисија е голема привилегија да се биде дел од еден многу интересен процес во кој се запознаваме со различноста и длабочината на истражувачката работа на врвните лекари и фармацевти од нашиот регион. Нивното истражување е висококвалитетно, инспиративно и е ресурс за подобрување на здравствената заштита. Сите тие заслужуваат највисоки пофалби и искрени честитки, особено за трудот и жртвите што често ги бара нивната клиничка и истражувачка работа.“
Тоне Стрнад, м-р фарм, основач на наградите International Medis Awards: Горди сме што преку наградите го градиме угледот на медицинската и фармацевтската заедница во регионот
По две години наградите повторно беа доделени во живо, а прославата се одржа во замокот Љубљански град. Основачот на наградите International Medis Awards, Тоне Стрнад, м-р фарм, изјавува во воведот: „Неуморната истражувачка работа на лекарите и фармацевтите од Централна и Југоисточна Европа го зголемува богатството на знаења во медицината и фармацијата на највисоко научно ниво. На овој начин тие директно придонесуваат за подобро лекување. Нивната работа заслужува секакво признание, почит и внимание во пошироката меѓународна и домашна јавност. Токму тоа беше целта на формирањето на Меѓународните награди Медис пред девет години, а денес сме горди што преку наградите го градиме угледот на медицинската и фармацевтската заедница во регионот.“
Победниците на прославата добија уникатна статуа Иднина (The Future), која е уметничко дело на почитуваниот скулптор Јаков Брдар. Финалистите и победниците добиваат и финансиска награда. Конкурсот е основан во 2014 година од словенечката фармацевтска компанија Медис, која и денес е сè уште главен спонзор на конкурсот
Д-р Мартина Перхарич, м-р фарм., директорка на Медис: Страста на лекарите и фармацевтите за медицината и истражувањето е вистинска инспирација за сите нас
За важноста на истражувањето зборуваше д-р Мартина Перхарич, м-р фарм., директорката на Медис: „Научната работа на лекарите и фармацевтите е дел од големата приказна за откривање иновации кои ќе помогнат во откривање и лекување на болести и подобрување на квалитетот на животот на многу луѓе. Нивната посветеност ја заслужува нашата длабока почит. Без нивните напори, многу животи би биле изгубени, а многу лекови и дијагностички методи би останале неоткриени. Нивната страст за медицината и истражувањето е вистинска инспирација за сите нас.“
На конкурсот за награди 9. International Medis Awards можеа да се пријават лекари и фармацевти кои ги објавиле своите научно-истражувачки трудови во најпрестижните научни публикации, односно оние со фактор на влијание поголем од 1.500. Оваа година на конкурсот пристигнаа 238 апликации од Австрија, Босна и Херцеговина, Бугарија, Северна Македонија, Словенија и Србија, Унгарија, Хрватска и Црна Гора. Сите високи критериуми за позицијата кандидат за меѓународните награди Медис ги исполниле 185 пријавени. Меѓународната стручна комисија ги оцени апликациите и избра 18 финалисти, меѓу кои девет победници.
Накратко за International Medis Awards for Medical Research
International Medis Awards for Medical Research се награди за извонредни истражувачки достигнувања во девет земји од Централна и Југоисточна Европа и опфаќаат девет медицински области. Наградите значат признание за лекарите и фармацевтите кои покрај редовната работа се занимаваат и со истражувања без кои нема иновации во медицината и фармацијата, ниту ефикасно справување со болестите.
На конкурсот International Medis Awards for Medical Research можеа да аплицираат лекари и фармацевти кои ги објавиле своите научно-истражувачки трудови во реномирани научни публикации со импакт фактор повисок од 1.500.
Пријавените научно-истражувачки трудови ги оценува независна меѓународна стручна комисија која ги номинира финалистите, а потоа ги избира победниците во поедини области. Во мандатот во периодот од 2021–2024 година, комисијата ја предводи проф. д-р Борут Штрукељ, м-р фарм од Катедрата за фармацевтска биологија при Фармацевтскиот факултет на Универзитетот во Љубљана.
Победниците на прославата добија уникатна статуа Иднина (The Future), која е уметничко дело на почитуваниот скулптор Јаков Брдар. Финалистите и победниците добиваат и финансиска награда.
Конкурсот е основан во 2014 година од словенечката фармацевтска компанија Медис, која и денес е сè уште главен спонзор на конкурсот.
Актуелни членови на Стручниот научен комитет од Северна Македонија
Педијатрија: Проф. Аспазија Софијанова, MD, PhD, лекар – педијатар на Клиниката за детски болести и раководител на одделот за неонатална интензивна нега на Универзитетскиот клинички центар во Скопје.
- Вкупно апликации од Северна Македонија (2014–2023): 50
- Апликации од Северна Македонија (2023 – 9. IMA): 2
- Сите финалисти од Северна Македонија (2014–2023): 5
- Сите победници од Северна Македонија (2014–2023): 4
Д-р Фанка Гилевска, специјалист офталмолог, победничка на International Medis Awards for Medical Research 2021 во областа на офталмологијата:
МЕДИС НАГРАДАТА МИ ДАДЕ САМОДОВЕРБА
„Медис наградата беше за мене прво комерцијално признание, во почетокот на мојата научна активност… Тоа ми даде самодоверба и ме поттикна, не само да продолжам да истражувам и да ги објавувам своите сознанија туку и да зборувам за нив, да продолжам да ги применувам во секојдневната работа „Систина офталмологија“ и на начин кој е разбирлив за луѓето да ги објаснувам… Популаризацијата на науката… Која е денес многу важна и за среќа повторно актуелна“, ни изјави д-р Фанка Гилевска, специјалист офталмолог, победничка на International Medis Awards for Medical Research 2021 во областа на офталмологијата, со трудот „Дали може да се предвидат промените во видната острина и астигматизамот по крос-линкинг третман на кератоконус?“ („Are changes in visual acuity and astigmatism after corneal cross-linking (CXL) in keratoconus predictable?“), објавен во научното списание „Graefes Archive for Clinical and Experimental Ophthalmology“.
ДОСЕГАШНИ ПОБЕДНИЦИ ОД СЕВЕРНА МАКЕДОНИЈА
- ФАНКА ГИЛЕВСКА
Област: Офталмологија
Година: 2021
Истражувачки труд: Are changes in visual acuity and astigmatism after corneal cross-linking (CXL) in keratoconus predictable?
Објавен во: Graefes Archive for Clinical and Experimental Ophthalmology
- ТАЊА НИКОЛОВА
Област: Гинекологија
Година: 2019
Истражувачки труд: Prediction of spontaneous preterm delivery in women presenting with premature labor: a comparison of placenta alpha microglobulin-1, phosphorylated insulin-like growth factor binding protein-1, and cervical length
Објавен во: American Journal of Obstetrics and Gynecology
- ВЕСНА ГРИВЧЕВА-ПАНОВСКА
Област: Пулмологија и алергологија
Година: 2018
Истражувачки труд: Hereditary angioedema due to C1-inhibitor deficiency in Macedonia: clinical characteristics, novel SERPING1 mutations and genetic factors modifying the clinical phenotype
Објавен во: Annals of Medicine
- САВИЦА МАРКОВИЌ-СТАНОЕСКА
Област: Педијатрија
Година: 2014
Истражувачки труд: Neonatal indirect hiperbilirubinemia, potencial risk for hiperbilirubinemic encephalopathy
