Ова навистина неверојатно откритие, во експеримент на животни, го направиле истражувачи од Универзитетот во Тексас, а се покажало дека наизменичниот пост во рок од седум недели ја брише секоја трага на малигните клетки.
Наизменичниот пост (intermittent fasting) моментално е во мода, како форма на диета, но она што го покажало ова истражување направено на глувци е комплетно фасцинантно.
Истражувачите од Тексас одлучиле на глувците да го испробаат ефектот на наизменичниот пост на најчестата форма на детска леукемија: акутна лимфобластна леукемија или АЛЛ, во двете нејзини форми: Б-клеточна и Т-клеточна. Оваа леукемија може да се појави на која било возраст, но во 99 % од случаите се јавува кај деца.
Глувците заболени од овој тип на леукемија биле ставен на наизменичен пост на следниов начин: еден ден се хранети, еден ден гладувале и тоа се повторувало во шест цклуси. Нивната состојба е споредувана со контролна група на заболени глувци кои биле хранети нормално.
По шест недели проучување, кај глувците кои биле на наизменичен пост не се најдени ниту траги на малигни клетки. За разлика од тоа, кај сите глувци кои биле хранети нормално, околу 68 % од испитаните клетки биле малигни. Освен тоа, слезината и лимфните јазли на глувците на наизменичен пост биле слични како кај здрави глувци.
Сите заболени глувци од групата која била хранета нормално угинале за 59 дена, додека 75 % од глувците кои биле на наизменичен пост по 120 дена се уште биле живи и тоа без никакви знаци на леукемија. На глувците не им даван никаков лек.
