Лекарската ординација е место каде што треба да бидете целосно искрени, особено за вашите секојдневни навики и здравствени проблеми. Без разлика колку е непријатна темата на која што треба да разговарате, заборавете на непријатноста – лекарот е таму за да ви помогне и колку повеќе сте искрени, толку повеќе помош ќе добиете. Сепак, и покрај тоа многумина кога ќе појдат на лекар не ја кажуваат вистината докрај. Многу е важно да знаете дека тоа не смее да се случува особено во неколку ситуации.
Никогаш не се опивам
Прекумерното пиење може да влијае на резултатите од анализите што го правите во моментот и ако го излажете докторот може да го упатите во погрешна насока
Престанав да пушам
Тоа може да изгледа како невин начин да се избегне уште една лекција за пушењето, но вашиот лекар треба да знае дали пушите. Пушењето може да влијае на земањето одредени лекови и може да ги објасни симптомите што ги имате.
Се хранам здраво
Оваа мала лага може да предизвика големи проблеми, доколку истовремено додавате килограми,а нивото на лошиот холестерол расте.
Имам само еден сексуален партнер
Посетата на докторот не е тест за моралот. Ако сте смениле повеќе партнери во последниот период, можеби сте биле изложени на некои болести. Вашиот доктор не е тука да ви суди, туку да помогне.
Никогаш не сум имал сексуално пренослива болест
Ако мислите дека имате сексуално пренослива болест, знаете дека имате или сте имале во минатото – кажете му на вашиот лекар. Може да биде непријатно, но некои сексуално преносливи болести можат да бидат опасни ако не се излечат. Тие се, исто така, заразни.
Мојот сексуален живот е одличен
Ако имате проблеми во спалната соба – ниска сексуална возбуда или еректилна дисфункција – ова може да биде знак на болест и вашиот лекар треба да знае за тоа, особено ако сте млади и здрави.
Се чувствувам одлично
Не ги игнорирајте “малите нешта” кои понекогаш ве мачат, може да се важен симптом за вашиот доктор.
Никогаш не употребувам дрога
Ова може да биде опасна лага. Ако вашиот лекар пропише лекови, тие можат да реагираат со дрогата и да ја влошат моменталната состојба или да предизвикаат други проблеми. Ако земате дрога повремено или ако сте зависник, вашиот лекар може да ви помогне да се ослободите од зависноста.
Не земам лекови на своја рака
Важно е да му кажете на вашиот лекар за сите лекови што ги земате. Лековите за болка или намалувањето на температурата може да не смеат да се мешаат со лековите на рецепт.
