Болката, грчевите и чувството на нелагодност во желудникот вообичаени не траат долго и немаат сериозен причинител. Најчесто се јавуваат заради надуеност, проблеми со варењето и опстипацијата. Но, со оглед на тоа дека постојат многу видови болка во абдоменот, за подобро да се одреди причината и да се најде решението, треба точно да се прецизира позицијата во абдоменост каде се чувствува болката.
Стомачната шуплина има пат различни делови:
- Горен десен квадрант– црниот дроб, жолчката и дел од дебелото црево
- Горен лев квадрант– дел од желудникот, слезинката и дел од дебелото црево
- Средишен дел– најголем дел од желудникот, дел од тенкото црево и панкреасот
- Десниот долен квадрант-најголем дел од дебелото црево и дел од тенкото, во кој е и слепото црево, а кај жените и јајникот
- Левиот долен квадрант-дел од дебелото црево и кај жените еден од јајниците
Најчесто причинители на болката во абдоменот може да бидат:
- Опстипација– доколку чувствувате надуеност во желудникот, заедно со мачнина и намален апетит, се работи за опстипација. Треба да се зголеми внесот на храна богата со влакна, како зеленчук, житарки, мешунки и овошје
- Интолеранција на лактоза-надуеноста и болна и неконзистентна столица откако сте јаделе млечни производи се симптомите на интолеранцијата на лактоза. Треба да се ограничи консумацијата на овој вид продукти
- Гастритис или чир на желудникот– болката во одредена точка во горниот дел на стомакот, која е поголема ако желудникот е празен, и се намалува кога е полн е симптом на гастритисот или чирот на желудник, а дополнително се јавува и мачнина и повраќање
- Синдром на иритабилно црево-болка или нелагодност во стомакот, чести диареја или опстипација, изненадна потреба да се оди во тоалет и надуеност сигнализираат за синдром на иритабилно црево
- Гастроентеритис– грчеви во желудникот, дијареа, мачнина и повраќање, заедно со главоболка и висока температура се симптоми на гастроентеритис или воспаление на слузницата на желудникоти тенкото црево, што е последица на инфекција или труење со храна
- Лошо варење– остра болка и надуеност во горниот дел од стомакот е знак на лошо варење, при кое треба да се избегнува тешка храна и алкохол
